Friday, January 18, 2019

ಶಿವಕುಮಾರ ಸ್ವಾಮಿಗಳವರ - ಶ್ರೀ ವಾಣಿ

ಡಾ. ಶ್ರೀ ಶ್ರೀ ಶಿವಕುಮಾರ ಸ್ವಾಮಿಗಳವರ - ಶ್ರೀ ವಾಣಿ

ಶತಾಯುಷಿ, ಕರ್ನಾಟಕ ರತ್ನ, ತ್ರಿವಿಧ ದಾಸೋಹ ಮೂರ್ತಿ, ನಡೆದಾಡುವ ದೇವರು, ಸಿದ್ಧಗಂಗೆಯ ಸಂತ, ಮಹಾ ತಪಸ್ವಿ, ಕರುಣಾ ಸಾಗರ, ಕಾಯಕಯೋಗಿ ಹೀಗೆ ಹತ್ತು ಹಲವಾರು ಅಭಿದಾನಗಳಿಂದ ಕಂಗೊಳಿಸುತ್ತಿರುವ ಜಗದಚ್ಚರಿ ಶ್ರೀ ಸಿದ್ಧಗಂಗಾ ಕ್ಷೇತ್ರದ ಹಿರಿಯ ಸ್ವಾಮೀಜಿ ಡಾ ಶ್ರೀ ಶ್ರೀ ಶಿವಕುಮಾರ ಸ್ವಾಮಿಗಳವರು ತಮ್ಮ ನೂರಾ ಹನ್ನೊಂದನೆಯ ಸಾರ್ಥಕ ಜೀವನ ಸಾಗಿಸಿ ತಮ್ಮ ಆಧ್ಯಾತ್ಮಿಕ ಬಲದಿಂದ ಕೋಟ್ಯಾನುಕೋಟಿ ಜನಮಾನಸದಲ್ಲಿ ದೇವಪದವಿಯಿಂದ ಕಂಗೊಳಿಸುತ್ತಿದ್ದಾರೆ. ಕಾಲಕಾಲಕ್ಕೆ ತಮ್ಮ ವಿದ್ವತ್‍ಪೂರ್ಣ ಭಾಷಣಗಳಿಂದ ಪ್ರವಚನಗಳಿಂದ ಜನರಲ್ಲಿ ಸಾಮಾಜಿಕ, ಶೈಕ್ಷಣಿಕ ಮತ್ತು ಆಧ್ಯಾತ್ಮಿಕ ಪ್ರಜ್ಞೆ ಮೂಡಿಸಿದ್ದಾರೆ.
ಶ್ರೀ ಶ್ರೀ ಶಿವಕುಮಾರ ಸ್ವಾಮಿಗಳವರು ತಮ್ಮ ಪದವಿ ಶಿಕ್ಷಣದಲ್ಲಿ ಅಭ್ಯಾಸ ಮಾಡಿದ್ದು ಗಣಿತ ಮತ್ತು ಭೌತ ವಿಜ್ಞಾನ ವಿಷಯಗಳನ್ನು. ಆದರೆ ಅವರ ಪಾರಮಾರ್ಥಿಕ ಜ್ಞಾನದಿಂದ ಸಿದ್ಧಗಂಗೆ ಇಂದು ತ್ರಿವಿಧ ದಾಸೋಹ ಕೇಂದ್ರವಾಗಿ ಕಂಗೊಳಿಸುತ್ತಿದೆ. ಶ್ರೀವಾಣಿಗಳನ್ನೊಮ್ಮೆ ಅವಲೋಕಿಸಿದರೆ ಶ್ರೀಗಳವರ ವಿಚಾರಧಾರೆ ಅವ್ಯಕ್ತವಾಗಿ ನಮ್ಮನ್ನು ಮುನ್ನಡೆಸುತ್ತದೆ.

• “ಧರ್ಮದ ತಳಹದಿಯ ಮೇಲೆ ಕಟ್ಟಲ್ಪಡುವ ನಾಗರಿಕತೆ ಸುಸಂಸ್ಕøತವಾದದ್ದು. ನಮ್ಮ ಸಮಸ್ತ ಕ್ರಿಯಾಮುಖದಲ್ಲಿ ಧರ್ಮಬುದ್ಧಿ ಬರದಿದ್ದರೆ ನಾವು ಎಷ್ಟೇ ನಾಗರಿಕರೆನಿಸಿದರೂ ಸುಸಂಸ್ಕøತರೆನಿಸಲಾರೆವು. ನಮಗೆ ಗಳಿಕೆ-ಬಳಕೆ ಎರಡರ ಅರ್ಥವು ಆಗಬೇಕು. ಸಂಪಾದಿಸಿದ ಎಲ್ಲವನ್ನೂ ಧರ್ಮ ಬುದ್ಧಿಯಿಂದಲೇ ಅರಿತು ಬಳಕೆ ಮಾಡಬೇಕು”.
• ಕ್ರೀಡೆಗಳಲ್ಲಿ ಎರಡು ಗುಂಪು ಆಟವಾಡುತ್ತಾರೆ. ಒಂದು ಗುಂಪು ಗೆಲ್ಲುತ್ತದೆ. ಮತ್ತೊಂದು ಗುಂಪು ಸೋಲುತ್ತದೆ. ಆಟದಲ್ಲಿ ಸೋಲು – ಗೆಲುವು ಸಾಮಾನ್ಯವಾದದ್ದು, ಗೆದ್ದವರು ಹಿಗ್ಗುತ್ತಾರೆ. ಸೋತವರು ದುಃಖ ಪಡುತ್ತಾರೆ. ಇಂದು ಸೋತವರು ನಾಳೆ ಗೆಲ್ಲಬಹುದು. ಅಪಮಾನವಾಯಿತು ಎಂಬ ಭಾವನೆ ಬಿಟ್ಟು ಮತ್ತೆ ಪ್ರಯತ್ನ ಪಟ್ಟರೆ ಗೆಲ್ಲಬಹುದು.
• “ಇಂದು ಕಾಲ ಬದಲಾಗಿದೆ. ಒಂದೊಂದು ಮಠವೂ ಒಂದೊಂದು ವಿಶ್ವವಿದ್ಯಾಲಯವಾಗಬೇಕಾಗಿದೆ. ಮಠಾಧಿಪತಿಯಾದವರು ವಿದ್ವತ್ತಿನ ಶ್ರೀಗಿರಿಯಾಗಬೇಕಾಗಿದೆ. ಗಳಿಸಿದ ವಿದ್ವತ್ತನ್ನು ಜನಕಲ್ಯಾಣಕ್ಕೆ ವಿನಿಯೋಗಿಸುವ ಹೃದಯವಂತರಾಗಬೇಕಾಗಿದೆ”.
• “ಆರ್ಥಿಕವಾಗಿ ಬಡತನವಿರಬಹುದು ಅದನ್ನು ಶ್ರಮ ದುಡಿಮೆಯಿಂದ ಅಭಿವೃದ್ಧಿ ಪಡಿಸಿಕೊಳ್ಳಬಹುದು. ಆದರೆ ಹೃದಯ ದಾರಿದ್ರ್ಯ ಬರಬಾರದು. ದೊಡ್ಡ ಸ್ಥಾನಗಳಲ್ಲಿರುವವರು ದೊಡ್ಡ ದೃಷ್ಟಿಯುಳ್ಳವರಾಗಬೇಕು. ಉದಾತ್ತ ಚಿಂತಕರಾಗಬೇಕು. ಅಧಿಕಾರ, ಅಂತಸ್ತು, ಅವಕಾಶಗಳು ಬಂದಾಗ ಹಿರಿಯ ಮಾರ್ಗಾವಲಂಬಿಗಳಾಗಿ ಮುನ್ನಡೆಯಬೇಕು”.
• “ಎಲ್ಲಿಯವರೆಗೆ ನಮ್ಮ ದೃಷ್ಠಿ, ಭಾವನೆ, ಆಲೋಚನೆ ಕೆಲಸ ಕಾರ್ಯಗಳು ದೊಡ್ಡದಾಗುವುದಿಲ್ಲವೋ ಅಲ್ಲಿಯವರೆಗೆ ನಾವು ದೊಡ್ಡವರಾಗುವುದಿಲ್ಲ ಎಂಬುದನ್ನು ತಿಳಿಯಬೇಕು”
• “ಕಷ್ಟ ಬಂದಾಗ ವ್ಯಕ್ತಿತ್ವದ ವಿಕಾಸ, ಸುಖ ಬಂದಾಗ ಸತ್ವ ಪರೀಕ್ಷೆಯಾಗದು. ಕಷ್ಟ ಬಂದಾಗ ಶಕ್ತಿ ಹೊಮ್ಮಿ, ವ್ಯಕ್ತಿತ್ವ ವಿಕಾಸವಾಗಲು ಪರಮಾತ್ಮನು ಈ ವಾತಾವರಣವನ್ನು ಸೃಷ್ಟಿ ಮಾಡಿರಬೇಕು”
• “ಪ್ರತಿ ವ್ಯಕ್ತಿಯೂ ಕೂಡ ತನ್ನ ಸ್ಥಾನದಲ್ಲಿ ತಾನು ಮಾಡುವ ಕಾರ್ಯವನ್ನು ಶ್ರದ್ಧೆ, ನಿಷ್ಠೆ ಮತ್ತು ಪ್ರಾಮಾಣಿಕವಾಗಿ ಮಾಡಬೇಕು. ಅದೇ ದೇಶಕ್ಕೆ ಸಲ್ಲಿಸುವ ನಿಜವಾದ ದೇಶ ಸೇವೆ”
• “ಪ್ರತಿನಿತ್ಯ ಮಲಗುವ ಮುನ್ನ ನಡೆನುಡಿಗಳು, ನಡೆಸಿದ ಒಳಿತು ಕೆಡಕುಗಳ ಜಮಾ ಖರ್ಚನ್ನು ಅವಲೋಕಿಸಬೇಕು. ಮರುದಿನ ತುಳಿಯಬೇಕಾದ ಗುರುಪಥವನ್ನು ಹುಡುಕುವುದರ ಮೂಲಕ ಶಿವಪಥದ ಕಡೆಗೆ ಸಾಗಬೇಕು. ವಿಕಾರ ವಿಮುಖವಾಗಿ ವಿಕಾಸ ಸುಮುಖವಾಗಿ ಹೆಜ್ಜೆ ಹಾಕುವುದರ ಮೂಲಕ ವಿಕಾರಗಳನ್ನು ತನು, ಮನ , ಬುದ್ಧಿಯಿಂದ ಗೆಲ್ಲಬೇಕು”
• “ನಿಜಜೀವನದಲ್ಲಿ ಅಧಿಕಾರಿಗಳಲ್ಲಿ, ಮುಖಂಡರಲ್ಲಿ ಸಮಯ ಪ್ರಜ್ಞೆಯೇ ಇಲ್ಲ. ಕಾರ್ಯಕ್ರಮಕ್ಕೆ ಘಂಟೆಗಟ್ಟಲೇ ತಡವಾಗಿ ಬರುತ್ತಾರೆ. ಇದು ಅವ್ಯವಸ್ಥೆಯ ಪ್ರಪಂಚ. ಹಿಂದೆ ಸಮಯ ಪರಿಪಾಲನೆ ದೊಡ್ಡವರ ಜೀವನದಲ್ಲಿ ಬಹುಮುಖ್ಯವಾಗಿತ್ತು”.
• “ಮನುಷ್ಯನ ಜೀವನದಲ್ಲಿ ಚಿಂತೆ ಎನ್ನುವ ಮಹಾವ್ಯಾಧಿ ಹಾನಿಕರವಾದದ್ದು, ಕಷ್ಟಕರವಾದದ್ದು. ಮನುಷ್ಯ ಸಾಧ್ಯವಾದ ಮಟ್ಟಿಗೆ ಯಾವುದೇ ಘಟನೆ ಉಂಟಾದರೆ ಚಿಂತೆ ಮಾಡುವಂತಹ ಪ್ರವೃತ್ತಿಯನ್ನು ಬಿಟ್ಟುಬಿಡಬೇಕು”.
• “ಆಧ್ಯಯನಶೀಲನಾಗದ ಶಿಕ್ಷಕ ವಿದ್ಯಾರ್ಥಿಗಳನ್ನು ಸ್ಫೂರ್ತಿಗೊಳಿಸಲಾರ. ಅಧ್ಯಯನ ವಿಮುಖನಾದ ವಿದ್ಯಾರ್ಥಿ ಉತ್ತಮ ಭವಿಷ್ಯ ಕಾಣಲಾರ. ಪರಿಣಾಮದಾಯಕ ಶಿಕ್ಷಣ ವ್ಯವಸ್ಥೆ ಮಾಡದ ದೇಶ ಪ್ರಗತಿ ಸಾಧಿಸಲಾರದು”.
• “ಸ್ವಾತಂತ್ರ್ಯ ಬಂದನಂತರ ಭ್ರಷ್ಟಾಚಾರವೇ ಜೀವನ ವಿಧಾನವಾದದ್ದು ದೇಶದ ದೊಡ್ಡ ದುರಂತ. ಉನ್ನತ ಜೀವನ ಮೌಲ್ಯಗಳೆಲ್ಲ ಇಂದು ಕಣ್ಮರೆಯಾಗಿದೆ. ಪ್ರಾಮಾಣಿಕತೆ, ಸರಳ ಜೀವನ, ಆಧ್ಯಾತ್ಮಿಕ ಚಿಂತನೆಗಳು ವಿರಳವಾಗಿದೆ. ಮುಖಂಡರು ದಾಹತ್ರಯಗಳ - ಹಣ, ಅಧಿಕಾರ, ಭೋಗದ ಬೆನ್ನು ಹತ್ತಿದ್ದಾರೆ. ಸಜ್ಜನರು ತೆರೆಮರೆಗೆ ಸರಿಯುವಂತಾಗಿದೆ”.
• “ಸಮಸ್ಯೆ ಪರಿಹಾರ ಕೇವಲ ಸರ್ಕಾರದಿಂದ, ಮುಖಂಡರಿಂದ ಆಗುವುದಿಲ್ಲ. ಜನತೆ ಜಾಗೃತರಾಗಬೇಕು. ಅವರಲ್ಲಿ ಕರ್ತವ್ಯ ಪ್ರಜ್ಞೆ ಮೂಡಿ ಬರಬೇಕು. ಅದನ್ನು ಆಚರಣೆಯಲ್ಲಿ ತರಬೇಕು. ಆಗ ಆರ್ಥಿಕ ಸಮಾನತೆ, ಸಹಬಾಳ್ವೆ ಉಂಟಾಗಿ ಜನರ ಭವಿಷ್ಯ ಉಜ್ವಲವಾಗುತ್ತದೆ”.
• “ಮನುಷ್ಯ ಹೇಡಿಯಾಗಿ ಬಾಳಬಾರದು. ತನ್ನ ಗೌರವ, ತನ್ನ ಜನ, ತನ್ನ ದೇಶದ ಗೌರವ ಕಾಪಾಡಲು ಸದಾ ಪ್ರಯತ್ನಿಸಬೇಕು. ಆ ಕಾರ್ಯಕ್ಕೆ ಯಾವ ಅಡ್ಡಿ ಬಂದರೂ ಹೆದರಬೇಕಾಗಿಲ್ಲ”.
• “ಪ್ರಾರ್ಥನೆಯೆಂದರೆ ಮನಸ್ಸಿಗೆ ಅವಶ್ಯಕವಾಗುವ ಪ್ರಸಾದ(ಆಹಾರ). ಅದನ್ನು ಗಳಿಸುವಾಗ ಏಕಾಗ್ರತೆ ಇರಬೇಕು. ಹೊಟ್ಟೆಗೆ ಹಸಿವಾದಾಗ ಹೇಗೆ ಪ್ರಸಾದ(ಆಹಾರ) ಸ್ವೀಕರಿಸುತ್ತೇವೆಯೋ ಹಾಗೆಯೇ ಮನಸ್ಸಿನ ಹಸಿವಿಗೆ ಪ್ರಾರ್ಥನೆ ಪ್ರಸಾದವಾಗುತ್ತದೆ”.
• “ಜೀವಿಯ ಶ್ರೇಷ್ಠತೆಯಿರುವುದು ಹಣ, ಆಸ್ತಿ, ಅಧಿಕಾರಗಳ ಸಂಪಾದನೆಯಲ್ಲಲ್ಲ. ಅದಿರುವುದು ಆತ್ಮವನ್ನು ಅರಿಯುವುದರಲ್ಲಿ. ಕಾಣದಿರುವ ಮನುಷ್ಯನನ್ನು ಅಂದರೆ ತನ್ನೊಳಗಿನ ತನ್ನನ್ನು ಕಾಣುವುದರಲ್ಲಿ”.
• “ಪ್ರಾಣಕ್ಕೆ ಸಮಾನವಾದುದು ಅಭಿಮಾನ, ಅಭಿಮಾನ ಎಂದರೆ ಅಹಂಕಾರ ಎಂದು ಅರ್ಥವಲ್ಲ. ಅಹಂಕಾರ ಕೆಟ್ಟದ್ದು ಅದನ್ನು ಪೋಷಿಸಬಾರದು. ಅಭಿಮಾನ ಎಂದರೆ ಆತ್ಮಶ್ರದ್ಧೆ. ಆತ್ಮಗೌರವದಿಂದ ಬಾಳಬೇಕು. ಆತ್ಮಗೌರವ ಹೋದರೆ ಮರಣಪ್ರಾಯ”.
• “ಜನರು ಮೊದಲು ತಮ್ಮ ಕರ್ತವ್ಯವನ್ನು ಚೆನ್ನಾಗಿ ಮಾಡುವ ಮನೋಭಾವ ಬೆಳೆಸಿಕೊಳ್ಳಬೇಕು. ತಮಗೆ ಅನ್ಯಾಯವಾದುದನ್ನು ಪ್ರತಿಭಟನೆ ಮಾಡಲು ಶಕ್ತಿ ಬೆಳೆಸಿಕೊಳ್ಳಬೇಕು. ತಮಗೇನು ಸೌಲಭ್ಯ ದೊರೆಯಬೇಕು ಅದನ್ನು ಹೋರಾಟ ಮಾಡಿ ಪಡೆದುಕೊಳ್ಳಬೇಕು”.
• “ಸೌಜನ್ಯ, ವಿನಯ, ನಮ್ರವಾಣಿ, ಮೃದು ವಚನದಿಂದ ಆನಂದವೇ ಉಂಟಾಗುತ್ತದೆ. ಮಾತು ಮನುಷ್ಯನ ಅಳತೆಯ ಸಾಧನ. ಸಜ್ಜನ – ದುರ್ಜನ ನಿರ್ಣಯವಾಗಬೇಕಾದರೆ ಮಾತಿನಿಂದಲೇ ಸಾಧ್ಯ. ಶತ್ರ್ರುತ್ವ – ಮಿತ್ರತ್ವ ಬರುವುದಕ್ಕೆ ಮಾತೇ ಕಾರಣ. ಮಾತು ಕಠೋರವಾದರೆ ಶತ್ರು. ಮಾತು ವಿನಯ - ಸೌಜನ್ಯವಾದಾಗ ಮಿತ್ರ”.
• “ಯಾರು ನಿಜವಾದ ಜ್ಞಾನ ಸಂಪಾದನೆ ಮಾಡುತ್ತಾರೋ ನಿಜವಾದ ಜ್ಞಾನಿಯಾಗುತ್ತಾನೋ ಅವನೇ ನಿಜವಾದ ಶ್ರೀಮಂತ”.
• “ಮನುಷ್ಯ ಯುದ್ಧಮುಖಿಯಾಗಬೇಕು. ತನ್ನೊಳಗೆ ತಾನು ಯುದ್ಧ ಮಾಡಬೇಕು. ಒಳಗಿರುವ ಮೃಗೀಯ ಭಾವನೆಗಳ ವಿರುದ್ಧ ತನ್ನನ್ನು ತಿಂದು ತೇಗುವ ಅವಗುಣಗಳ ವಿರುದ್ಧ, ತನ್ನಿಂದ ತಾನು ಬದುಕಿದ ಆ ದೇಶ ಕಾಲಗಳ ಹಾನಿ ವಿಪ್ಲವಗಳ ವಿರುದ್ಧ ಯುದ್ಧ ಮಾಡಬೇಕು”.
• “ಶಿಕ್ಷಕ ಎಲ್ಲಕ್ಕೂ ಮೊದಲು ಚಾರಿತ್ರ್ಯಶುದ್ಧಿಯನ್ನು ಕಾಪಾಡಿಕೊಳ್ಳಬೇಕು. ಅಧ್ಯಯನಶೀಲನಾಗಬೇಕು. ಚಲಿಸುವ ಜ್ಞಾನ ಭಂಡಾರವಾಗಬೇಕು”.
• “ಕೃಷಿ ಪವಿತ್ರವಾದ ಕಾಯಕ. ವ್ಯವಸಾಯದ ಬಗ್ಗೆ ಇಂದಿನ ಯುವಜನಾಂಗ ಆಸಕ್ತಿ ಬೆಳೆಸಿಕೊಳ್ಳಬೇಕು”.
• “ಇತ್ತೀಚೆಗೆ ಚುನಾವಣೆಗಳೂ ನೀತಿ ಭ್ರಷ್ಟವಾಗುತ್ತಿವೆ. ಎಚ್ಚೆತ್ತ ಮತದಾರ ವಿಚಾರವಂತನಾಗಬೇಕು. ತನ್ನ ಮತವನ್ನು ಹೆಂಡಕ್ಕೆ, ಹಣಕ್ಕೆ ಬಟ್ಟೆ ಬರೆಗಳಿಗೆ ಮಾರಿಕೊಳ್ಳಬಾರದು. ಧರ್ಮ ಬಾಹಿರ, ನೀತಿ ಬಾಹಿರನಾಗಿ ನಡೆಯಬಾರದು. ಮತದಾನವೂ ಪವಿತ್ರ ಪೂಜೆಯೆಂದೇ ಭಾವಿಸಬೇಕು”.
• “ಇಂದು ಎಲ್ಲೆಲ್ಲಿಯೂ ಸೇವೆಯೆಂಬ ಮಾತು ಜನಪ್ರಿಯವಾದ ಸವಿನುಡಿಯಾಗಿದೆ. ಆದರೆ ಸೇವೆ ಎಂಬುದು ಪ್ರಚಾರದ ಸರಕಲ್ಲ. ಅದು ಗುಪ್ತ ಶಕ್ತಿ. ವ್ಯಕ್ತಿಯನ್ನು ಆರೋಗ್ಯವಂತನನ್ನಾಗಿಡುವ ಜೀವನ ವಿಧಾನ”
• ಮಾನವ ಜನ್ಮ ಲಭ್ಯವಾಗುವುದೇ ಒಂದು ಪುಣ್ಯ. ಅಂತಹ ಪುಣ್ಯ ಸಂದರ್ಭ ಬಂದಾಗ ಇಲ್ಲಿ ಸಲ್ಲುವಂತೆ ಬಾಳುವ ಕಲೆಯನ್ನರಿತು, ಅಲ್ಲಿಯೂ ಸಲ್ಲುವ ಗುರಿ ನಮ್ಮದಾಗಬೇಕು.
• ಟಿ. ವಿ. ಎಂಬ ರಾಕ್ಷಸ ಬಂದು ಜನಜೀವನದ ಮೇಲೆ ದುಷ್ಪರಿಣಾಮ ಬೀರಿದೆ. ಒಂದು ಕಾಲಕ್ಕೆ ಟಿ.ವಿ. ಒಂದು ದೊಡ್ಡ ಸಾಧನೆಯಾಗಿತ್ತು. ಜ್ಞಾನಾರ್ಜನೆಗೆ ಪೂರಕವಾಗಿತ್ತು. ಇಂದು ಟಿ.ವಿ. ಮುಂದೆ ಕುಳಿತ ಯುವಜನಾಂಗ ಮುಂದಿನ ಭವಿಷ್ಯವನ್ನು ಯೋಚನೆ ಮಾಡದೆ ವೃಥಾ ಕಾಲವನ್ನು ವ್ಯರ್ಥ ಮಾಡುತ್ತಾರೆ.
• ನಮ್ಮ ಸಂಸ್ಕøತಿಯ ದಿವ್ಯ ಬೆಳಕಿಗೆ ಅನೀತಿಯ, ಭ್ರಷ್ಟಾಚಾರದ ಕವಚವನ್ನು ತೊಡಿಸಿದ್ದಾರೆ. ಅದನ್ನು ಕಿತ್ತು ಹಾಕಿದರೆ ಮಾನವೀಯತೆಯ ಬಂಗಾರ ಅರಳುತ್ತದೆ. ಜಗತ್ತಿನ ಕಣ್ಣು ತೆರೆಯುತ್ತದೆ.
• ಸಾಮಾನ್ಯರ ದೃಷ್ಟಿಯಲ್ಲಿ ಮಾನವನ ವಯೋಮಾನವನ್ನು ಹುಟ್ಟಿದಾರಭ್ಯದಿಂದ ಸಾಯುವ ತನಕ ಲೆಕ್ಕ ಹಾಕುವುದು ವಾಡಿಕೆ. ಆದರೆ ಜ್ಞಾನಿಗಳು ಅವರು ನಿದ್ರೆ, ಕಲಹ, ವ್ಯಸನಗಳಲ್ಲಿ ವ್ಯರ್ಥವಾಗಿ ಕಳೆದ ವಯಸ್ಸನ್ನು ಪರಿಗಣಿಸುವುದಿಲ್ಲ.
• ಸೃಷ್ಟಿಯಲ್ಲಿ ಹುಟ್ಟುವ ಪ್ರತಿಯೊಂದು ಜೀವಿಯೂ ಅನುಭವಿಸಬೇಕಾದ ಒಂದು ಅನಿವಾರ್ಯ ಘಟನೆ ಮರಣ. ಅದರಿಂದ ತಪ್ಪಿಸಿಕೊಳ್ಳಲು ಸಾಧ್ಯವೇ ಇಲ್ಲ. ಆದರೆ ಅದಕ್ಕೆ ಸಾರ್ಥಕತೆಯನ್ನು ತಂದುಕೊಡುವ ಪ್ರಯತ್ನ ಪವಿತ್ರವಾದುದು. ಹುಟ್ಟು ಸಾವಿನ ಮಧ್ಯೆ ಇರುವ ಬಾಳು ಅದನ್ನು ನಿರ್ಧರಿಸುತ್ತದೆ.
• ಯಾರಾದರೂ ಮಹಾಕವಿಯ, ಮಹಾಸಂತನ, ದೊಡ್ಡ ಅನುಭವಿಯ ಒಂದು ವಾಕ್ಯವನ್ನು ಕಂಠಪಾಠ ಮಾಡಿದರೆ ಇಡೀ ಜೀವಮಾನಕ್ಕೆ ಅದು ಕಾಣಿಕೆಯಾಗಿ ಸೇವೆ ಸಲ್ಲಿಸುತ್ತದೆ.
• “ವಿಜ್ಞಾನ ಏನೆಲ್ಲವನ್ನು ಸಾಧಿಸಿದೆಯಾದರೂ ಜಗತ್ತನ್ನೇ ಅಂಗೈಯ ನೆಲ್ಲಿಯೆಂಬಂತಾಗಿಸಿದೆಯಾದರೂ ಪ್ರಕೃತಿಯ ಮುಂದೆ ಮನುಷ್ಯನ ಸಾಧನೆ ಏನೇನೂ ಇಲ್ಲ ಎಂಬುದನ್ನು ಸಾರಿ ಸಾರಿ ಹೇಳಿದವು ಸುನಾಮಿಗಳು”.
• “ಸಕಲ ಜೀವರಿಗೆ ಲೇಸನೇ ಬಯಸುವ” ವಿಜ್ಞಾನವಿಂದು ಬೇಕಾಗಿದೆ. ಬಾಂಬು ಅಣುಬಾಂಬುಗಳ ಮೂಲಕ ಮನುಕುಲವನ್ನು ನಾಶಮಾಡುವ ಯುದ್ಧಾಸ್ರ್ತಗಳಿಗಿಂತ ನರಳುತ್ತಿರುವ ಜೀವಿಗಳಿಗೆ ನಗು ತಂದು ಕೊಡುವ ವಿಜ್ಞಾನ ಇಂದು ಬೇಕಾಗಿದೆ.
• ಕಾಯಕ – ದಾಸೋಹಗಳು ದೇಹ ಮತ್ತು ಮನಸ್ಸುಗಳನ್ನು ಪವಿತ್ರ ಮಾಡುವ ಶುದ್ಧ ಸಂಜೀವಿನಿಗಳು.

ಕೃಪೆ: ಶ್ರೀ ಗುರುಸ್ಮøತಿ ಸಂಪುಟ

ಸಂಗ್ರಹ: ಜಸ್ಟಿನ್ ಡಿ’ಸೌಜ, ಸಿದ್ಧಗಂಗಾ ಶಾಲೆ

Tuesday, January 1, 2019

ನಗರಕ್ಕಿಂದು ಎ. ಆರ್. ಮಣಿಕಾಂತ್

ನಗರಕ್ಕಿಂದು ಬದುಕಿನ ಬಾಂಧವ್ಯದ ಕಥೆಗಾರ
ಎ. ಆರ್. ಮಣಿಕಾಂತ್

Image result for a r manikanth


ಸಿದ್ಧಗಂಗಾ ವಿದ್ಯಾಸಂಸ್ಥೆಯ 49ನೇ ವಾರ್ಷಿಕ ಸಂಭ್ರಮದ ಮೊದಲ ದಿನದ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಆಗಮಿಸಲಿರುವ ‘ಭಾವತೀರಯಾನ’ದ ಲೇಖಕರಾದ ಎ. ಆರ್. ಮಣಿಕಾಂತ್‍ರವರು ಜನಿಸಿದ್ದು ಮಂಡ್ಯ ಜಿಲ್ಲೆಯ ನಾಗಮಂಗಲ ತಾಲೂಕಿನ ಆಯಿತನಹಳ್ಳಿ. ಓದಿದ್ದು ಮಂಡ್ಯದ ಪಿ.ಇ.ಎಸ್. ಕಾಲೇಜಿನಲ್ಲಿ ಬಿ.ಇ. ಆಟೋಮೊಬೈಲ್. ಮೈಸೂರಿನ ಮುಕ್ತ ವಿವಿಯಲ್ಲಿ ಎಂ.ಎ.(ಇಂಗ್ಲೀಷ್). ಒಲಿದಿದ್ದು ಪತ್ರ್ರಿಕೋದ್ಯಮ. ಹಾಯ್ ಬೆಂಗಳೂರ್, ಸಂಯುಕ್ತ ಕರ್ನಾಟಕ, ವಿಜಯ ಕರ್ನಾಟಕ, ಕನ್ನಡ ಪ್ರಭಗಳಲ್ಲಿ ಹೊಟ್ಟೆಪಾಡು ಮತ್ತು ಆತ್ಮಸಂತೋಷಕ್ಕಾಗಿ ದುಡಿಮೆ. ಸದ್ಯ ಉದಯವಾಣಿಯ ಬೆಂಗಳೂರು ಆವೃತ್ತಿಯಲ್ಲಿ ಪುರವಣಿ ಮುಖ್ಯಸ್ಥ. ‘ಉಭಯ ಕುಶಲೋಪರಿ ಸಾಂಪ್ರತ’, ‘ಹಾಡು ಹುಟ್ಟಿದ ಸಮಯ’, ‘ಈ ಗುಲಾಬಿಯು ನಿನಗಾಗಿ’, ‘ಭಾವತೀರಯಾನ’, ‘ನನ್ನ ಹಾಡು ನನ್ನದು’, ‘ಕಲ್ಲು-ಸಕ್ಕರೆ’ ಹಾಡು ಹುಟ್ಟಿದ ಸಮಯ ಇವೆಲ್ಲಾ ಓದುಗರ ಪ್ರೀತಿ-ಮೆಚ್ಚುಗೆ, ಅಭಿಮಾನಕ್ಕೆ ಪಾತ್ರವಾದ ಅಂಕಣ ಬರಹಗಳು. ಅಮ್ಮ ಹೇಳಿದ ಎಂಟು ಸುಳ್ಳುಗಳು, ಅಪ್ಪ ಅಂದ್ರೆ ಆಕಾಶ, ಭಾವತೀರಯಾನ, ಮನಸು ಮಾತಾಡಿತು, ಹಾಡು ಹುಟ್ಟಿದ ಸಮಯ, ಈ ಗುಲಾಬಿಯು ನಿನಗಾಗಿ, ಗಿಫ್ಟೆಡ್-ಪ್ರಕಟವಾಗಿರುವ ಪುಸ್ತಕಗಳು. ‘ಅಮ್ಮ ಹೇಳಿದ ಎಂಟು ಸುಳ್ಳುಗಳು’ ಅಪಾರ ಜನಪ್ರಿಯತೆಯನ್ನು, ಅತ್ಯಧಿಕ ಮಾರಾಟವನ್ನು ಕಂಡ ಕೃತಿ. 10 ವರ್ಷದ ಅವಧಿಯಲ್ಲಿ, ಈ ಪುಸ್ತಕದ 1,40,000 ಪ್ರತಿಗಳು ಮಾರಾಟ ಆಗಿರುವುದು ಕನ್ನಡ ಪುಸ್ತಕೋದ್ಯಮದಲ್ಲಿ ಒಂದು ದಾಖಲೆ. ಸೇಡಂನ ಪ್ರತಿಷ್ಠಿತ ಅಮ್ಮ ಪ್ರಶಸ್ತಿ, ಧಾರವಾಡದ ಬಸವರಾಜ ಹೊರಟ್ಟಿ ಪ್ರತಿಷ್ಠಾನದವರು ಕೊಡುವ ಅವ್ವ ಪ್ರಶಸ್ತಿ, ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿಗಳು ಈ ಪುಸ್ತಕಕ್ಕೆ ಸಂದಿವೆ. ಅಪ್ಪ ಅಂದ್ರೆ ಆಕಾಶ ಪುಸ್ತಕದ 70,000, ಭಾವತೀರಯಾನ 30,000, ಮನಸು ಮಾತಾಡಿತು 15,000, ಹಾಡು ಹುಟ್ಟಿದ ಸಮಯ ಹಾಗೂ ಈ ಗುಲಾಬಿಯು ನಿನಗಾಗಿ ಪುಸ್ತಕದ ತಲಾ 5000 ಪ್ರತಿಗಳು ಮಾರಾಟವಾಗಿವೆ. ಗಿಫ್ಟೆಡ್ ಪುಸ್ತಕಕ್ಕೆ ವರ್ಷದ ಶ್ರೇಷ್ಠ ಅನುವಾದಿತ ಪುಸ್ತಕವೆಂದು, 2018ರಲ್ಲಿ ರಾಜ್ಯ ಸಾಹಿತ್ಯ ಅಕಾಡೆಮಿಯು ಪ್ರಶಸ್ತಿ ನೀಡಿ ಗೌರವಿಸಿದೆ.

ದಾವಣಗೆರೆ ಜನರ ಪರವಾಗಿ ಓದುಗರ ಭಾವಕೋಶ ಮೀಟಿದ ಈ ಸರಳ, ಸಜ್ಜನ, ಪತ್ರಕರ್ತರಿಗೆ ಆತ್ಮೀಯ ಸ್ವಾಗತ ಬಯಸೋಣ..

Saturday, November 3, 2018

ರಾಷ್ಟ್ರೀಯ ದಾಖಲೆ ಮಾಡಿದ ಸಿದ್ಧಗಂಗಾ

ರಾಷ್ಟ್ರೀಯ ದಾಖಲೆ ಮಾಡಿದ ಸಿದ್ಧಗಂಗಾ ‘ಬನ್ನೀಸ್’ ಗ್ರೂಪ್
- ಮುರುಘರಾಜೇಂದ್ರ ಚಿಗಟೇರಿ ಶ್ಲಾಘನೆ

ದಾವಣಗೆರೆ - ನ. 3

ರಾಷ್ಟ್ರದಲ್ಲಿ ಯಾವ ಶಾಲೆಯ ಮಕ್ಕಳೂ ಮಾಡದ ದಾಖಲೆಯನ್ನು ಸಿದ್ಧಗಂಗಾ ಬನ್ನೀಸ್ ಗ್ರೂಪ್‍ನವರು ಮಾಡಿದ್ದಾರೆ. 3 ರಿಂದ 5 ವರ್ಷದೊಳಗಿನ ನರ್ಸರಿಯ ಪುಟಾಣಿಗಳು ಬನ್ನೀಸ್ ಎಂದು ಸ್ಕೌಟ್ ಮತ್ತು ಗೈಡ್ಸ್‍ನಲ್ಲಿ ಗುರುತಿಸಿಕೊಳ್ಳುತ್ತಾರೆ. ಸಿದ್ಧಗಂಗಾ ನರ್ಸರಿಯ 541 ಮಕ್ಕಳು ಬನ್ನೀಸ್ ಸಮವಸ್ತ್ರ ಧರಿಸಿ ಮೊಲಗಳಂತೆ ಜಿಗಿಯುತ್ತಾ ನರ್ತಿಸುವುದನ್ನು ನೋಡಿದ ದಾವಣಗೆರೆ ಜಿಲ್ಲಾ ಸ್ಕೌಟ್ ಮತ್ತು ಗೈಡ್ಸ್‍ನ ಮುಖ್ಯ ಆಯುಕ್ತರಾದ ಮುರುಘರಾಜೇಂದ್ರ ಚಿಗಟೇರಿಯವರು, ಸ್ಕೌಟ್ ಆಯುಕ್ತರಾದ ಎ. ಪಿ. ಷಡಾಕ್ಷರಪ್ಪನವರು ಮತ್ತು ಗೈಡ್ಸ್ ಆಯುಕ್ತರಾದ ಪುಟ್ಟಮ್ಮ ಮಹಾರುದ್ರಯ್ಯನವರು ಮಕ್ಕಳೊಂದಿಗೆ ಮಕ್ಕಳಾಗಿ ಹರ್ಷಿಸಿದರು. ಐನೂರಕ್ಕೂ ಹೆಚ್ಚು ಸಂಖ್ಯೆಯ ಬನ್ನೀಸ್ ಒಂದೇ ಶಾಲೆಯಲ್ಲಿರುವುದು ಒಂದು ರಾಷ್ಟ್ರೀಯ ದಾಖಲೆ ಎಂದು ಶ್ಲಾಘಿಸಿ ಈ ಮಕ್ಕಳಲ್ಲಿ ಒಳ್ಳೆಯ ಸಂಸ್ಕಾರ, ಶಿಸ್ತು, ಸೇವಾ ಭಾವನೆಯನ್ನು ರೂಢಿಸಿದರೆ ದೇಶಕ್ಕೆ ಮಾದರಿ ಪ್ರಜೆಗಳಾಗುತ್ತಾರೆ. ಆ ನಿಟ್ಟಿನಲ್ಲಿ ಸಿದ್ಧಗಂಗಾ ಸಂಸ್ಥೆಯಲ್ಲಿರುವ ತರಬೇತಿ ಪಡೆದ ಹದಿಮೂರು ಬನ್ನೀಸ್ ಆಂಟಿಗಳು ಮಾರ್ಗದರ್ಶನ ಮಾಡಬೇಕೆಂದು ತಮ್ಮ ಉದ್ಘಾಟನಾ ಭಾಷಣದಲ್ಲಿ ಮುರುಘರಾಜೇಂದ್ರ ಚಿಗಟೇರಿಯವರು ಕರೆ ನೀಡಿದರು. ಸ್ಕೌಟ್, ಗೈಡ್ಸ್ ಮತ್ತು ಬನ್ನೀಸ್ ಅತ್ಯುತ್ತಮ ಸೇವೆ ಸಲ್ಲಿಸುತ್ತಿದ್ದು ಮೀಸಲಾತಿ ಕೋಟಾದಡಿ ಹೆಚ್ಚಿನ ಸರ್ಕಾರಿ ಸೀಟುಗಳನ್ನು ಇಲ್ಲಿನ ಮಕ್ಕಳು ಉನ್ನತ ಶಿಕ್ಷಣದಲ್ಲಿ ಪಡೆಯುತ್ತಿದ್ದಾರೆ ಎಂದು ಮುಖ್ಯ ಅತಿಥಿಗಳ ಸ್ಥಾನದಿಂದ ಸ್ಕೌಟ್‍ನ ಆಯುಕ್ತರಾದ ಎ.ಪಿ. ಷಡಾಕ್ಷರಪ್ಪನವರು ಮೆಚ್ಚುಗೆ ವ್ಯಕ್ತಪಡಿಸಿದರು.

ಗೈಡ್ಸ್‍ನ ಆಯುಕ್ತರಾದ ಪುಟ್ಟಮ್ಮ ಮಹಾರುದ್ರಯ್ಯನವರು ಹಲವಾರು ಸೂಕ್ತಿಗಳನ್ನು, ವಚನಗಳನ್ನು ತಿಳಿಸುತ್ತಾ ಮಾಡಿದ ಸಹಾಯ ಒಂದಿಲ್ಲ ಒಂದು ದಿನ ಪ್ರತಿಫಲ ನೀಡುತ್ತದೆ ಎಂದು ಕತೆಯ ಮೂಲಕ ಉದಾಹರಿಸಿದರು. ಜೀವನದ ಪ್ರತಿ ಸವಾಲನ್ನು ಧೈರ್ಯದಿಂದ ಎದುರಿಸಬೇಕು, ಸೇವೆಗೆ ಸದಾ ಸಿದ್ಧರಾಗಿರಬೇಕೆಂದು ಮಕ್ಕಳಿಗೆ ಕರೆ ನೀಡಿದರು.


ಅಧ್ಯಕ್ಷತೆಯನ್ನು ಸಂಸ್ಥೆಯ ಮುಖ್ಯ ಶಿಕ್ಷಕಿ ಜಸ್ಟಿನ್ ಡಿ’ಸೌಜ ವಹಿಸಿದ್ದರು. ಗೈಡ್ಸ್ ಶಿಕ್ಷಕಿ ಶಶಿಕಲಾ ಮತ್ತು ಬನ್ನೀಸ್ ಆಂಟಿಗಳು ಪ್ರಾರ್ಥನೆ ಮಾಡಿದರು. ಯುಕೆಜಿ ಮಕ್ಕಳು ಬನ್ನೀಸ್ ಸಮವಸ್ತ್ರದಲ್ಲಿ ದೇಶಭಕ್ತಿಗೀತೆಗೆ ನೃತ್ಯ ಮಾಡಿದರು. ಸ್ಕೌಟ್ ಮತ್ತು ಗೈಡ್ಸ್‍ನ ಮಕ್ಕಳು ದೇಶಭಕ್ತಿ ಗೀತೆಗಳನ್ನು ಹಾಡಿದರು. ಪೋಷಕರು ಹೆಚ್ಚಿನ ಸಂಖ್ಯೆಯಲ್ಲಿ ಹಾಜರಿದ್ದು ಮಕ್ಕಳ ಈ ವಿನೂತನ ಕಾರ್ಯಕ್ರಮ ವೀಕ್ಷಿಸಿ ಸಂಭ್ರಮಿಸಿದರು.

Thursday, November 1, 2018

ಈಜುಬಾಲೆ ರೇವತಿಗೆ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ

ರಾಷ್ಟ್ರೀಯ ಅಸಾಧಾರಣ ಪ್ರತಿಭೆ-ರಾಜ್ಯದ ಏಕಲವ್ಯ ಪ್ರಶಸ್ತಿ ಪಡೆದ
ಅಂತರಾಷ್ಟ್ರೀಯ ಈಜುಬಾಲೆ ರೇವತಿಗೆ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ

ದಾವಣಗೆರೆ.  November 1,

ಈಜಿನಲ್ಲಿ ಅಪ್ರತಿಮ ಸಾಧನೆ ಮಾಡಿದ ರೇವತಿಯ ಪ್ರಶಸ್ತಿಗಳ ಸಾಲಿಗೆ ಇದೀಗ ದಾವಣಗೆರೆ ಜಿಲ್ಲಾ ಆಡಳಿತ ರಾಜ್ಯೋತ್ಸವ ಪ್ರಶಸ್ತಿ ನೀಡಿದೆ. ನವೆಂಬರ್ 1ರ ಕರ್ನಾಟಕ ರಾಜ್ಯೋತ್ಸವದಂದು ಬೆಳಿಗ್ಗೆ 10 ಗಂಟೆಗೆ ನಗರದ ಜಿಲ್ಲಾ ಕ್ರೀಡಾಂಗಣದಲ್ಲಿ ನಡೆಯಲಿರುವ ಜಿಲ್ಲಾ ಮಟ್ಟದ ಕಾರ್ಯಕ್ರಮದಲ್ಲಿ ಸಿದ್ಧಗಂಗಾ ಪದವಿಪೂರ್ವ ಕಾಲೇಜಿನ ದ್ವಿತೀಯ ಪಿ.ಯು.ಸಿ. ವಿದ್ಯಾರ್ಥಿನಿ “ದಾವಣಗೆರೆ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ” ಪಡೆಯಲಿದ್ದಾಳೆ.


ಅಮೇರಿಕಾ, ಜರ್ಮನಿ, ಜೆಕ್ ರಾಷ್ಟ್ರ, ದುಬೈ ಮತ್ತು ಇಂಡೋನೇಷಿಯಾಗಳಲ್ಲಿ ಭಾರತದ ಕೀರ್ತಿ ಪತಾಕೆ ಹಾರಿಸಿದ ರೇವತಿ ಎಂ. ನಾಯಕ ರಾಷ್ಟ್ರಮಟ್ಟದ ಅಸಾಧಾರಣ ಪ್ರತಿಭೆಯಾಗಿ 2017ರಲ್ಲಿ ಚಿನ್ನದ ಪದಕ ಪಡೆದಳು. ಈ ಪ್ರತಿಭೆಗೆ ಕರ್ನಾಟಕ ಸರ್ಕಾರ ಕ್ರೀಡಾಪಟುಗಳಿಗೆ ಮೀಸಲಾದ ಏಕಲವ್ಯ ಪ್ರಶಸ್ತಿ ನೀಡಿ ಪುರಸ್ಕರಿಸಿದೆ. ಜಾಗತಿಕ ಮಟ್ಟದ ದ್ವಿತೀಯ ಸ್ಥಾನದಲ್ಲಿರುವ ಏಷಿಯನ್ ಗೇಮ್ಸ್‍ನಲ್ಲಿ ಇಂಡೋನೇಷಿಯಾದಲ್ಲಿ ನಡೆದ ಈಜು ಸ್ಪರ್ಧೆಯಲ್ಲಿ ಕಳೆದ ತಿಂಗಳು ಭಾಗವಹಿಸಿರುವ ರೇವತಿ ನಾಯಕಳ ಪ್ರತಿಭೆ ಗುರುತಿಸಿ ಜಿಲ್ಲಾಡಳಿತ ರಾಜ್ಯೋತ್ಸವ ಪ್ರಶಸ್ತಿ ನೀಡುತ್ತಿರುವುದು ಶ್ಲಾಘನೀಯ. ಕಿರಿಯ ವಯಸ್ಸಿನಲ್ಲಿ ಹಿರಿಯ ಸಾಧನೆ ಮಾಡಿದ ರೇವತಿಗೆ ಸಹಪಾಠಿಗಳು ಸಿದ್ಧಗಂಗಾ ವಿದ್ಯಾಸಂಸ್ಥೆಯ ಸ್ಥಾಪಕರಾದ ಎಂ. ಎಸ್. ಶಿವಣ್ಣ ಕಾರ್ಯದರ್ಶಿ ಹೇಮಂತ್, ನಿರ್ದೇಶಕರಾದ ಡಾ|| ಜಯಂತ್ ಮತ್ತು ಪ್ರಾಚಾರ್ಯರಾದ ಪ್ರಸಾದ್ ಬಂಗೇರರವರು ಅಭಿನಂದಿಸಿದ್ದಾರೆ.

Saturday, October 6, 2018

ಏಷಿಯನ್ ಗೇಮ್ಸ್‍ಗೆ ಸಿದ್ಧಗಂಗೆಯ ಈಜುಬಾಲೆ ರೇವತಿ

ಏಷಿಯನ್ ಗೇಮ್ಸ್‍ಗೆ ಸಿದ್ಧಗಂಗೆಯ ಈಜುಬಾಲೆ ರೇವತಿ ನಾಯಕ

ಹಳ್ಳಿಯಿಂದ – ದೆಹಲಿಯವರೆಗೆ, ಅಲ್ಲಿಂದ ಅಮೇರಿಕಾ, ನೆದರ್‍ಲ್ಯಾಂಡ್, ಜೆಕ್ ಗಣರಾಜ್ಯ, ಜರ್ಮನಿ, ಯುರೋಪ್, ದುಬೈ ಈಗ ಇಂಡೋನೆಷಿಯಾ, ಹೀಗೆ ಪ್ರಪಂಚದ ಹಲವಾರು ರಾಷ್ಟ್ರಗಳಲ್ಲಿ ನಡೆದ ಅಂತರಾಷ್ಟ್ರೀಯ ಈಜು ಸ್ಪರ್ಧೆಗಳಲ್ಲಿ ಭಾಗವಹಿಸಿ ಪದಕಗಳ ಸರಮಾಲೆ ಧರಿಸಿದ ದಾವಣಗೆರೆ ನಗರದ ಸಿದ್ಧಗಂಗಾ ಪದವಿ ಪೂರ್ವ ವಿಜ್ಷಾನ ಕಾಲೇಜಿನ ದ್ವಿತೀಯ ಪಿಯುಸಿ ವಿದ್ಯಾರ್ಥಿನಿ ರೇವತಿ ಮಂಜುನಾಥ ನಾಯಕ ಸಹಪಾಠಿಗಳಲ್ಲಿ ಅಚ್ಚರಿ ಮೂಡಿಸುತ್ತಿರುವ 17ರ ಬಾಲೆ. ಕ್ರೀಡಾಪಟುಗಳು ಊಹಿಸಲಾಗದಷ್ಟು ಎತ್ತರಕ್ಕೆ ಬೆಳೆದು ನಿಂತ ಪ್ರತಿಭೆ. ದಾವಣಗೆರೆಯ ಕೀರ್ತಿ ಪತಾಕೆ ಹಾರಿಸಿದ ದಿಗ್ವಿಜಯಿ!

ಭೂಪಠಗಳಲ್ಲಿ ಮಾತ್ರ ಗುರುತಿಸುತ್ತಿದ್ದ ಪ್ರಪಂಚದ ರಾಷ್ಟ್ರಗಳಿಗೆ ಪಕ್ಕದ ಮನೆಗೆ ಹೋಗಿ ಬಂದಷ್ಟೇ ಸರಾಗವಾಗಿ ಈ 17ರ ಕಿಶೋರಿ ಸುತ್ತಿ ಬಂದಿರುವುದು ಬೆರಗು ಮೂಡಿಸುತ್ತದೆ.
10ನೇ ವಯಸ್ಸಿಗೆ ಈಜು ಕಲಿಯಲು ಪ್ರಾರಂಭಿಸಿದ ರೇವತಿಗೆ ದಾವಣಗೆರೆಯ ಚಾನೆಲ್ ನೀರಿನಲ್ಲಿ ಈಜುವುದೇ ಒಂದು ಸಂಭ್ರಮವಾಗಿತ್ತು. ನಂತರ ತಂದೆಯ ಪ್ರೋತ್ಸಾಹದಿಂದ ಈಜುಕೊಳಕ್ಕೆ ದಾಖಲಾದ ಈ ಬಾಲಕಿ ಮುಂದೆ ಸೃಷ್ಠಿಸಿದ್ದು ಇತಿಹಾಸ. ತಾಲ್ಲೂಕು, ಜಿಲ್ಲೆ, ರಾಜ್ಯ ಮತ್ತು ರಾಷ್ಟ್ರಮಟ್ಟದಲ್ಲಿ ಹಲವಾರು ಚಿನ್ನದ ಪದಕಗಳನ್ನು ಪಡೆದು ತನ್ನದೇ ದಾಖಲೆಗಳನ್ನು ಮುರಿದಳು.
2014ರಲ್ಲಿ ಆಗಸ್ಟ್ 4ರಿಂದ 8ರವರೆಗೆ ಅಮೇರಿಕಾದ ಪಸೆಡೋನಾದಲ್ಲಿ ನಡೆದ ಜಾಗತಿಕ ಮಟ್ಟದ ಈಜು ಸ್ಪರ್ಧೆಯಲ್ಲಿ ಭಾಗವಹಿಸಿದ ರೇವತಿ 100ಮೀ. ಬ್ರೆಸ್ಟ್ ಸ್ಟ್ರೋಕ್‍ನಲ್ಲಿ 6ನೇ ಸ್ಥಾನ ಪಡೆದು ತನ್ನ ಸಾಮಥ್ರ್ಯವನ್ನು ಪ್ರದರ್ಶಿಸಿದಳು.
2015ರಲ್ಲಿ IWಂS ನ ಕಿರಿಯರ ವಿಭಾಗದ ಸ್ಪರ್ಧೆ ನೆದರ್‍ಲ್ಯಾಂಡಿನಲ್ಲಿ ಆಯೋಜನೆಗೊಂಡಿತ್ತು. 100ಮೀ. ಬ್ರೆಸ್ಟ್ ಸ್ಟ್ರೋಕ್‍ನಲ್ಲಿ ಬೆಳ್ಳಿಯ ಪದಕ, 50ಮೀ. ಬ್ರೆಸ್ಟ್ ಸ್ಟ್ರೋಕ್‍ನಲ್ಲಿ ಕಂಚಿನ ಪದಕ ಪಡೆದ ರೇವತಿಗೆ ಚಿನ್ನದ ಪದಕ ಪಡೆಯುವ ಹಂಬಲ ಹೆಚ್ಚುತ್ತಲೇ ಹೋಯಿತು.
2016ರ IWಂS ನ ಕಿರಿಯರ ವಿಭಾಗದ ಸ್ಪರ್ಧೆಗಳು ಈ ಬಾರಿ ಜೆಕ್ ರಿಪಬ್ಲಿಕ್‍ನ ಪ್ರೇಗ್‍ನಲ್ಲಿ ಆಯೋಜಿಸಲಾಗಿತ್ತು. ಈ ಸ್ಪರ್ಧೆಯಲ್ಲಿ ರೇವತಿ 50ಮೀ. ಬ್ರೆಸ್ಟ್ ಸ್ಟ್ರೋಕ್‍ನಲ್ಲಿ ರಜತ, 100 ಮೀ. ಬ್ರೆಸ್ಟ್ ಸ್ಟ್ರೋಕ್‍ನಲ್ಲಿ ಕಂಚಿನ ಪದಕಕ್ಕೆ ತೃಪ್ತಿ ಪಡಬೇಕಾಯಿತು.



2017ರಲ್ಲಿ ಜರ್ಮನಿಯ ಬರ್ಲಿನ್‍ನಲ್ಲಿ ನಡೆದ ಜಾಗತಿಕ ಮಟ್ಟದ ಓಪನ್ ಚಾಂಪಿಯನ್‍ಶಿಪ್‍ನಲ್ಲಿ ರೇವತಿ ತನ್ನ ಸ್ಥಾನವನ್ನು ಖಚಿತಪಡಿಸಿಕೊಂಡಳು. 100ಮೀ. ಬ್ರೆಸ್ಟ್ ಸ್ಟ್ರೋಕ್‍ನಲ್ಲಿ 6ನೇ ಸ್ಥಾನ, 50ಮೀ. ಬ್ರೆಸ್ಟ್ ಸ್ಟ್ರೋಕ್‍ನಲ್ಲಿ 7ನೇ ಸ್ಥಾನ, 200ಮೀ. ಬ್ರೆಸ್ಟ್ ಸ್ಟ್ರೋಕ್‍ನಲ್ಲಿ 10ನೇ ಸ್ಥಾನ, 100 ಮೀ. ಫ್ರೀ ಸ್ಟೈಲ್‍ನಲ್ಲಿ 24ನೇ ಸ್ಥಾನ ಪಡೆದ ರೇವತಿಗೆ ತನ್ನ ಈಜಿನ ಕ್ಷಮತೆ ಇನ್ನೂ ಹೆಚ್ಚಬೇಕಾಗಿದೆ ಎಂಬುದು ವೇದ್ಯವಾಯಿತು. ತಂದೆ ಮಂಜುನಾಥರ ನಿರಂತರ ಪ್ರಯತ್ನ, ತರಬೇತಿದಾರರ ಮಾರ್ಗದರ್ಶನದಿಂದ ಅಂತರಾಷ್ಟ್ರೀಯ ಪ್ಯಾರಾ ಸ್ವಿಮ್ಮಿಂಗ್‍ನಲ್ಲಿ ಏಷ್ಯಾದ ಮಹಿಳಾ ಸ್ಪರ್ಧಿಗಳಲ್ಲಿ 200ಮೀ. ಬ್ರೆಸ್ಟ್ ಸ್ಟ್ರೋಕ್‍ನಲ್ಲಿ 1ನೇ ರ್ಯಾಂಕ್, 100ಮೀ. ಬ್ರೆಸ್ಟ್ ಸ್ಟ್ರೋಕ್‍ನಲ್ಲಿ 2ನೇ ರ್ಯಾಂಕ್, 100ಮೀ. ಫ್ರೀ ಸ್ಟೈಲ್‍ನಲ್ಲಿ 3ನೇ ರ್ಯಾಂಕ್ ಪಡೆದು ಭಾರತಕ್ಕೆ ಕೀರ್ತಿ ತಂದಳು.
2017ರಲ್ಲಿ ದುಬೈನಲ್ಲಿ ನಡೆದ ಏಷಿಯನ್ ಯೂಥ್ ಪ್ಯಾರಾ ಗೇಮ್ಸ್‍ನಲ್ಲಿ 100ಮೀ. ಫ್ರೀ ಸ್ಟೈಲ್‍ನಲ್ಲಿ, 100ಮೀ. ಬಟರ್‍ಫ್ಲೈನಲ್ಲಿ, 200ಮೀ. ಮೆಡ್‍ಲೇ ಸ್ವಿಮ್ಮಿಂಗ್‍ನಲ್ಲಿ ತಲಾ ಒಂದೊಂದು ಕಂಚಿನ ಪದಕ ಪಡೆದಳು. ಏಷಿಯನ್ ಗೇಮ್ಸ್‍ನಲ್ಲಿ ಪದಕ ಪಡೆಯುವ ಕ್ಷಣ ರೋಮಾಂಚನ ಉಂಟು ಮಾಡಿತೆಂದು ರೇವತಿ ಹೇಳುತ್ತಾಳೆ. ಪದಕಧಾರಣೆಯ ಸಂದರ್ಭದಲ್ಲಿ ಭಾರತದ ಧ್ವಜ ಮೇಲೇರಿ ರಾಷ್ಟ್ರಗೀತೆ ಮೊಳಗಿದ ಕ್ಷಣ ತನ್ನಲ್ಲಿ ಧನ್ಯತೆಯ ಭಾವ ಉಕ್ಕಿಸಿತು, ಕಣ್ಣಂಚಿನಲ್ಲಿ ಕಂಬನಿ ತುಳುಕಿತು ಎಂದು ಭಾವ ಪರವಶಳಾಗುತ್ತಾಳೆ.
ಪ್ರತಿಬಾರಿ ಪದಕ ಧರಿಸಿ ಬಂದಾಗ ತನ್ನ ಶಾಲೆ ತನಗೆ ನೀಡಿದ ಅಭೂತಪೂರ್ವ ಸ್ವಾಗತ ಮರೆಯಲಾಗದು ಎಂದು ಸ್ಮರಿಸಿಕೊಳ್ಳುವ ರೇವತಿ ಹಮ್ಮು-ಬಿಮ್ಮಿಲ್ಲದ ಸರಳ ಹುಡುಗಿ. ಮುಗ್ಧವಾಗಿ ಮಾತನಾಡುವ, ಸಹಪಾಠಿಗಳೊಂದಿಗೆ ಸ್ನೇಹದಿಂದಿರುವ, ಅಧ್ಯಾಪಕರೊಂದಿಗೆ ಸದಾ ಮೆಲು ನುಡಿಯಲ್ಲಿ ಸಂಭಾಷಿಸುವ ರೇವತಿ ಸಿದ್ಧಗಂಗೆಯ ಕಣ್ಮಣಿ.
ದೇಶ-ವಿದೇಶಗಳನ್ನು ಸುತ್ತಿ ಬಂದರೂ ಆಕಾಶದಲ್ಲಿ ಹಾರುವ ಹಕ್ಕಿ ಮರಳಿ ಗೂಡಿಗೆ ಸೇರುವಂತೆ ರೇವತಿ ತನ್ನ ತರಗತಿ ಕೊಠಡಿಯೊಳಗೆ ನಿಶ್ಶಬ್ಧಳಾಗಿ ಸ್ಥಾಪಿತಳಾಗುತ್ತಾಳೆ. ಸಾಧನೆಯ ಒಂದು ಚಿಕ್ಕ ಎಳೆಯೂ ಈ ಬಾಲಕಿಯ ನಡೆ-ನುಡಿಯಲ್ಲಿ ಪ್ರಕಟವಾಗದು. ತೀರಾ ಸಾಮಾನ್ಯಳಂತೆ, ಅಹಂಭಾವ ಸುಳಿಯದಂತೆ ವರ್ತಿಸುತ್ತಾಳೆ. ಇದು ರೇವತಿಯಲ್ಲಿರುವ ಶ್ರೇಷ್ಠ ಗುಣ.
ತಾಯಿ ಸುನಂದ ರೇವತಿಗೆ ಬೇಕಾದ ಪೌಷ್ಠಿಕ ಆಹಾರ ಕಾಲಕಾಲಕ್ಕೆ ಒದಗಿಸುವ ಮಮತಾಮಯಿ. ಈಜಲು ಬೇಕಾದ ದೈಹಿಕ ಶಕ್ತಿ, ಸದಾ ಮಕ್ಕಳ ಶ್ರೇಯೋಭಿವೃದ್ಧಿಗೆ ಶ್ರಮಿಸುವ ತಂದೆ ಮಂಜುನಾಥ, ಪ್ರೋತ್ಸಾಹಿಸುವ “ಸಿದ್ಧಗಂಗಾ” ಬಾಲಕಿಯ ಕನಸಿಗೆ ನೀರೆರೆದು ಪೋಷಿಸುತ್ತಿದೆ.



ಈ ಬಾಲಕಿಯ ಪ್ರತಿಭೆ ಗುರುತಿಸಿದ ಕೇಂದ್ರ ಮಹಿಳಾ ಮತ್ತು ಮಕ್ಕಳ ಇಲಾಖೆ “ರಾಷ್ಟ್ರಮಟ್ಟದ ಸಾಧಾರಣ ಬಾಲ ಪ್ರತಿಭೆ” ಎಂದು 2016ರಲ್ಲಿ ಘೋಷಿಸಿತು. ಘನವೆತ್ತ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿಯವರಿಂದ ಚಿನ್ನದ ಪದಕವನ್ನು 14-12-2016ರಂದು ಪಡೆದ ರೇವತಿಗೆ ದಾವಣಗೆರೆ ಜಿಲ್ಲಾಡಳಿತ 2017ರ ಗಣರಾಜ್ಯೋತ್ಸವದಂದು ಸನ್ಮಾನಿಸಿದೆ. ಕರ್ನಾಟಕ ರಾಜ್ಯ ಸರ್ಕಾರದ ಅಂದಿನ ಮುಖ್ಯಮಂತ್ರಿ ಸನ್ಮಾನ್ಯಶ್ರೀ ಸಿದ್ಧರಾಮಯ್ಯನವರು ಕ್ರೀಡಾಪಟುಗಳ ಕನಸಿನ “ಏಕಲವ್ಯ ಪ್ರಶಸ್ತಿ” ನೀಡಿ ಗೌರವಿಸಿದ್ದಾರೆ.
ಇದೀಗ 17ರ ಕಿಶೋರಿ ರೇವತಿ ಇಂಡೋನೇಷಿಯಾದ ಜಕಾರ್ತಾದಲ್ಲಿ ನಡೆಯುವ ಏಷಿಯನ್ ಗೇಮ್ಸ್‍ನಲ್ಲಿ ಪಾಲ್ಗೊಳ್ಳಲು ಹಾರಿದ್ದಾಳೆ. ಸುಮಾರು ಮೂರು ಸಾವಿರ ಕ್ರೀಡಾಪಟುಗಳು ಏಷ್ಯಾ ಖಂಡದ 43 ರಾಷ್ಟ್ರಗಳಿಂದ ಈ ಕ್ರೀಡೆಯಲ್ಲಿ ಭಾಗವಹಿಸುತ್ತಾರೆ. ಅದರಲ್ಲಿ ನಮ್ಮ ರೇವತಿ ಒಬ್ಬಳೆಂಬುದು ಹೆಮ್ಮೆಯ ವಿಷಯ. ಪ್ರತಿ ನಾಲ್ಕು ವರ್ಷಗಳಿಗೊಮ್ಮೆ ನಡೆಯುವ ಈ ಕ್ರೀಡೋತ್ಸವ ಒಲಿಂಪಿಕ್ ಸಮಿತಿಯ ಮಾನ್ಯತೆ ಪಡೆದಿದೆ. ಏಷಿಯನ್ ಗೇಮ್ಸ್‍ನಲ್ಲಿ ಭಾಗವಹಿಸುವುದು ಕ್ರೀಡಾಪಟುಗಳ ಕನಸು. ಒಲಿಂಪಿಕ್‍ಗೆ ಭಾಗವಹಿಸಲು ಇದು ಅಂತಿಮ ಮೆಟ್ಟಿಲು. ಏಷಿಯನ್ ಗೇಮ್ಸ್ ಫೆಡರೇಷನ್ ನಿಯಂತ್ರಿಸುವ ಈ ಕ್ರೀಡಾ ಚಟುವಟಿಕೆ ಜಕಾರ್ತಾದಲ್ಲಿ ಅಕ್ಟೋಬರ್ 6ರಿಂದ 13ರವರೆಗೆ ಜಕಾರ್ತಾದಲ್ಲಿ ನಡೆಯಲಿದೆ. ದಾವಣಗೆರೆಯ ಈಜುಬಾಲೆ ಏಷಿಯನ್ ಗೇಮ್ಸ್‍ನಲ್ಲಿ ಪದಕ ಪಡೆಯುವ ಅರ್ಹತೆ ಹೊಂದಿದ್ದಾಳೆ. ಪದಕ ಗೆದ್ದು ಭಾರತದ ಕೀರ್ತಿ ಬೆಳಗಲಿ ಎಂದು ಆಶಿಸೋಣ.

ಡಿ.ಎಸ್. ಹೇಮಂತ್

Monday, August 13, 2018

ಓಪನ್ ಕರಾಟೆ - ಸುಕೃತಗೆ ಪ್ರಥಮ ಸ್ಥಾನ

ರಾಷ್ಟ್ರ ಮಟ್ಟದ ಓಪನ್ ಕರಾಟೆ – 2018
ಸಿದ್ಧಗಂಗೆಯ ಸುಕೃತ. ಒ. ಗೆ ಪ್ರಥಮ ಸ್ಥಾನ

ದಾವಣಗೆರೆ ಆ.13,
ಒಂಭತ್ತು ವರ್ಷದ ಬಾಲೆ ಸುಕೃತ. ಒ ಅಖಿಲ ಭಾರತ ಹಾಕುಅಕಾೈ ಓಪನ್ ಕರಾಟೆ ಚಾಂಪಿಯನ್ ಶಿಪ್-2018ರಲ್ಲಿ ಕರ್ನಾಟಕ ರಾಜ್ಯವನ್ನು ಪ್ರತಿನಿಧಿಸಿ ಕಟಾ ಮತ್ತು ಕುಮಿಟೆನಲ್ಲಿ ಪ್ರಥಮ ಸ್ಥಾನ ಗಳಿಸಿ ಆಕರ್ಷಕ ಫಲಕ, ಪ್ರಶಸ್ತಿ ಪತ್ರ ಮತ್ತು ಪದಕಗಳನ್ನು ಪಡೆದಿದ್ದಾಳೆ. ಬೆಂಗಳೂರಿನ ಕೋರಮಂಗಲದಲ್ಲಿರುವ ಒಳಾಂಗಣ ಕ್ರೀಡಾಂಗಣದಲ್ಲಿ ಆಗಸ್ಟ್ 11 ಮತ್ತು 12ರಂದು ನಡೆದ ಈ ಸ್ಪರ್ಧೆಗಳಲ್ಲಿ ಸಿದ್ಧಗಂಗಾ ವಿದ್ಯಾಸಂಸ್ಥೆಯ 4ನೇ ತರಗತಿಯಲ್ಲಿ ಅಭ್ಯಾಸ ಮಾಡುತ್ತಿರುವ ಬಾಲಕಿ ಸುಕೃತ. ಎಂ ಶ್ರೀಮತಿ ವಿಜಯಲಕ್ಷ್ಮಿ ಮತ್ತು ಶ್ರೀ ನೀಲಕಂಠ ಇವರ ಸುಪುತ್ರಿಯಾಗಿದ್ದಾಳೆ. ಕರಾಟೆ ಕೇಸರಿ ಮಾರ್ಷಲ್ ಆಟ್ರ್ಸ್ ಶಾಲೆಯ ಕುಬೇರ ನಾಯ್ಕ ಮತ್ತು ಸಾದಿಖ್ ಇವರು ಬಾಲಕಿಗೆ ತರಬೇತಿ ನೀಡಿದ್ದಾರೆ. ಕಿರಿಯ ವಯಸ್ಸಿನ ಸುಕೃತಳ ಹಿರಿಯ ಸಾಧನೆಗೆ ಶಾಲೆಯ ಅಧ್ಯಾಪಕರು, ಆಡಳಿತ ಮಂಡಳಿಯವರು ಮತ್ತು ಮಾರ್ಗದರ್ಶನ ನೀಡಿದ ಕರಾಟೆ ಗುರುಗಳು ಅಭಿನಂದನೆ ಸಲ್ಲಿಸಿದ್ದಾರೆ.


Thursday, June 21, 2018

4ನೇ ಅಂತರಾಷ್ಟ್ರೀಯ ಯೋಗ ದಿನಾಚರಣೆ


ಸಿದ್ಧಗಂಗಾ ಮಕ್ಕಳಿಂದ ಯೋಗ ಅಭಿಯಾನ

ದಾವಣಗೆರೆ, ಜೂ 19.

 ದೇಶದ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರ ಯೋಗ ಅಭಿಯಾನಕ್ಕೆ ಸಿದ್ಧಗಂಗಾ ಶಾಲೆಯ – ಕಾಲೇಜಿನ ಮಕ್ಕಳು ವಿಶಿಷ್ಠ ರೀತಿಯಲ್ಲಿ ತಮ್ಮ ಕೊಡುಗೆ ನೀಡುತ್ತಿದ್ದಾರೆ. ದಾವಣಗೆರೆ ಜಿಲ್ಲಾ ಯೋಗ ಒಕ್ಕೂಟದ ಸಹಯೋಗದಲ್ಲಿ ಜೂನ್ 16 ರಿಂದ 20ರವರೆಗೆ ಐದು ದಿನಗಳ ಯೋಗ ಶಿಬಿರ ನಡೆಯುತ್ತಲಿದ್ದು ಸಿದ್ಧಗಂಗಾ ಶಾಲಾ – ಕಾಲೇಜಿನ ನೂರಾರು ವಿದ್ಯಾರ್ಥಿ – ವಿದ್ಯಾರ್ಥಿನಿಯರು ಬೆಳಿಗ್ಗೆ 6 ರಿಂದ 6.45ರವರೆಗೆ ವಿವಿಧ ಆಸನಗಳನ್ನು ಪ್ರದರ್ಶಿಸುತ್ತಿದ್ದಾರೆ.

ಪ್ರಕೃತಿಯ ಪ್ರಶಾಂತ ವಾತಾವರಣದಲ್ಲಿ ಮಕ್ಕಳ ಈ ಸಾಮೂಹಿಕ ಯೋಗಾಭ್ಯಾಸ ಕಣ್ಮನ ಸೆಳೆಯುವಂತಿದೆ. ಶಿಬಿರದ ಉದ್ಘಾಟನೆಗೆ ಆಗಮಿಸಿದ್ದ ದಾವಣಗೆರೆ ಜಿಲ್ಲಾ ಯೋಗ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ವಾಸುದೇವ ರಾಯ್ಕರ್‍ರವರು 35ಸಾವಿರ ಮಕ್ಕಳ ಸಹಕಾರದೊಂದಿಗೆ ಬೃಹತ್ ಯೋಗ ಕಾರ್ಯಕ್ರಮ ಏರ್ಪಡಿಸುತ್ತಿರುವ ವಿಚಾರವನ್ನು ಹಂಚಿಕೊಂಡರು. ಸಿದ್ಧಗಂಗಾ ಸಂಸ್ಥೆಯ ಸಹಕಾರವನ್ನು ಶ್ಲಾಘಿಸಿದರು. ಭಾರತೀಯ ಪ್ರಾಚೀನ ಪರಂಪರೆಯ ಯೋಗ ಇಂದು ವಿಶ್ವ ಮಾನ್ಯತೆ ಪಡೆದಿದೆ. ಜಗತ್ತು ಭಾರತದ ಸಂಸ್ಕೃತಿ ಮತ್ತು ವಿಚಾರ ಧಾರೆಗಳಿಂದ ಪ್ರಭಾವಿತವಾಗುತ್ತಿದೆ. ಯೋಗ ಅಭಿಯಾನದಲ್ಲಿ ಎಲ್ಲರೂ ಪಾಲ್ಗೊಂಡು ದಿನಾಚರಣೆಯನ್ನು  ಅರ್ಥಪೂರ್ಣಗೊಳಿಸುವಂತೆ ಕರೆ ನೀಡಿದರು.

ಯೋಗ ಒಕ್ಕೂಟ ಹಮ್ಮಿಕೊಂಡಿರುವ ಸೈಕಲ್ ಜಾಥಾ, ಚಿತ್ರಕಲೆ ಸ್ಪರ್ಧೆಗಳಲ್ಲಿ ಅತ್ಯುತ್ಸಾಹದಿಂದ ಮಕ್ಕಳು ಪಾಲ್ಗೊಂಡರು.




ಯೋಗದಿಂದ ದೇಹ-ಮನಸ್ಸುಗಳಿಗೆ ಸುಯೋಗ
ಜಾಗತಿಕವಾಗಿ ಅಭಿವೃದ್ಧಿಯ ಪಥದಲ್ಲಿರುವ ಹಲವು ರಾಷ್ಟ್ರಗಳು ನಾಗರೀಕತೆಯ ಹೊಸ್ತಿಲು ಮುಟ್ಟುವ ಮೊದಲೇ, ಭಾರತವು ವಿಜ್ಞಾನ ಮತ್ತು ಆರೋಗ್ಯ ಕ್ಷೇತ್ರಗಳಲ್ಲಿ ಅನುಪಮ ಸಾಧನೆ ಮಾಡಿತ್ತು ಎಂದರೆ ಅತಿಶಯೋಕ್ತಿಯಲ್ಲ. ಭಾರತೀಯರ ‘ಶಾಸ್ತ್ರೀಯ ಚರ್ಯೆ’ ಎಂದೇ ಪರಿಗಣಿತವಾದ ಯೋಗವು ಆಧ್ಯಾತ್ಮಿಕ ಆಚರಣೆಗೆ ಸಂಬಂಧಿಸಿದ್ದು ಎನ್ನುವ ಸೀಮಿತ ಪರಿಧಿಯಿಂದ ಹೊರಬಂದು ಮನುಕುಲದ ಸೊತ್ತಾಗಿ ವಿಶ್ವಾತ್ಮಕ ಮನ್ನಣೆ ಪಡೆದಿದೆ ಆರಂಭದಲ್ಲಿ ಸಾಂಪ್ರದಾಯಿಕ, ದೈಹಿಕ - ಮಾನಸಿಕ ಆಚರಣೆಗಳ ಬೋಧನಾ ಶಾಖೆಯಾಗಿದ್ದ ಯೋಗ ಧರ್ಮ ಪ್ರಾರಂಭದಲ್ಲಿ ಹಿಂದೂ ಧರ್ಮ, ಬೌದ್ಧ ಮತ್ತು ಜೈನಧರ್ಮಗಳಲ್ಲಿ ಧ್ಯಾನದ ಆಚರÀಣೆಯಾಗಿ ಬಳಕೆಯಲ್ಲಿತ್ತು. ಉಪನಿಷತ್‍ನಲ್ಲಿ ಉಲ್ಲೇಖಿತವಾಗಿರುವಂತೆ - “ಧ್ಯಾನದ ಮೂಲಕ ಪ್ರಜ್ಞೆಯ ಉನ್ನತ ಹಂತಗಳನ್ನು ಅನುಭವಿಸುವುದರ ತಂತ್ರಗಳನ್ನು ಶುೃತಿಗಳಲ್ಲಿ ಅಭಿವೃದ್ಧಿಪಡಿಸಲಾಗಿತ್ತು. 
”ಯೋಗ ಎನ್ನುವ ಸಂಸ್ಕøತದ ಪದವು ‘ಯುಜ್’ನಿಂದ ನಿಷ್ಪನ್ನಗೊಂಡಿದೆ. ಜೊತೆಗೂಡು, ಸಂಯೋಗ, ಸೇರುವಿಕೆ ಎನ್ನುವ ವಿವಿಧ ಅರ್ಥಗಳಿವೆ. ಹಿಂದೂ ಗ್ರಂಥಗಳಲ್ಲಿ ‘ಯೋಗ’ ಎನ್ನುವ ಪದ ‘ಕಠೋಪನಿಷತ್’ನಲ್ಲಿ ಮೊದಲು ಕಂಡು ಬರುತ್ತದೆ. ಅಲ್ಲಿ “ಇಂದ್ರಿಯಗಳ ನಿಯಂತ್ರಣ ಮತ್ತು ಮಾನಸಿಕ ಚಟುವಟಿಕೆಗಳನ್ನು ಸ್ಥಗಿತಗೊಳಿಸಿ ಉತ್ತುಂಗ ಸ್ಥಿತಿಗೆ ತಲುಪುವುದನ್ನು ಉಲ್ಲೇಖಿಸಲಾಗಿದೆ”.

ಯೋಗದ ವಿಕಾಸದ ಕುರಿತು–ಉಪನಿಷತ್ತುಗಳು, ಭಗವದ್ಗೀತೆ ಮತ್ತು ಮಹಾಭಾರತ ಹಾಗೂ ಪತಾಂಜಲಿಯ ಯೋಗ ಸೂತ್ರಗಳಲ್ಲಿ ಪ್ರಸ್ತಾಪ ಮಾಡಲಾಗಿದೆ. ಭಾರತೀಯ ತತ್ವಜ್ಞಾನದ ಪ್ರಕಾರ ಪತಾಂಜಲಿಯವರನ್ನು–ಯೋಗದ ಪಿತಾಮಹ ಎಂದು ಪರಿಗಣಿಸಲಾಗಿದೆ, ಯೋಗಾಭ್ಯಾಸ ಮಾಡುವಾಗ ಭಕ್ತಿಯಿಂದ ಈ ಶ್ಲೋಕ ಸ್ತುತಿಸುವ ಸಂಪ್ರದಾಯವಿದೆ.

“ಯೋಗೇನ ಚಿತ್ತಸ್ಯ ಪದೇನವಾಚಾಮ್
ಮಲಂ ಶರೀರಸ್ಯಚ ವೈದ್ಯಕೇನ
ಯೋಪಾಕರೋತ್ತಮ್ ಪ್ರವರಮ್ ಮುನೀನಾಮ್
ಪತಾಂಜಲಿಮ್ ಪ್ರಾಂಜಲಿರಾನತೋಸ್ಮಿ”

ಅಂದರೆ ಯೋಗ ಮಾಡುವುದರಿಂದ ಮನಸ್ಸಿನಲ್ಲಾಗುವ ಚಿತ್ತವೃತ್ತಿಗಳನ್ನು ನಿರೋಧಿಸುತ್ತಾರೆ ಹಾಗೇಯೇ ಅವರು ಮಾಡುವ ಕೆಲಸ ಕೌಶಲದಿಂದ ಕೂಡಿರುತ್ತದೆ.

“ಭವತಾಸೇನ ತುಪ್ತಾನಾಮ್ ಯೋಗೋ ಹಿ ಪರವತೌಷಧಮ್’ – ಈ ಭೂಮಿಯ ಮೇಲೆ ಜನ್ಮತಾಳಿದವರಿಗೆ ಎದುರಾಗುವ ಎಲ್ಲಾ ಕಷ್ಟ-ನಷ್ಟಗಳು, ನೋವು, ದುಗುಡು-ದುಮ್ಮಾನಗಳಿಗೆ ಸೃಷ್ಠಿಯಲ್ಲಿ ಸಿಗುವ ಏಕೈಕ ಔಷಧ ಯೋಗ ಮಾತ್ರ ಎಂದಿದ್ದಾರೆ.

ಪತಾಂಜಲಿಯವರು 2ನೇ ಸೂತ್ರದಲ್ಲಿ ರಾಜಯೋಗ ಎಂದು ಪರಿಗಣಿಸಿ, ‘ಅಷ್ಟಾಂಗ ಯೋಗ’ ಎನ್ನುವ ಮೌಲಿಕ ಗ್ರಂಥವನ್ನು ಯೋಗಕ್ಕೆ ಕಾಣಿಕೆಯಾಗಿ ನೀಡಿದ್ದಾರೆ, ಈ ಗ್ರಂಥದಲ್ಲಿ ಎಂಟು ಅಂಗಗಳನ್ನು ಕುರಿತು ವಿವರಿಸುತ್ತಾ, 
ನಿಯಮ – 5 ವರ್ಜನೆಗಳು: ಅ) ಅಹಿಂಸಾ, ಸತ್ಯಪಾಲನೆ, ಅತಿ ಆಸೆ, ಇಂದ್ರಿಯ ನಿಗ್ರಹ, ಸ್ವಾಧೀನತೆಯ ನಿಗ್ರಹ,  
ನಿಯಮ 5 ಅನುಷ್ಠಾನಗಳು : ಅ) ಶುದ್ಧತೆ, ಸಂತುಷ್ಟಿ, ಸಂಯಮ, ಅಧ್ಯಯನ, ದೇವರಲ್ಲಿ ಶರಣಾಗತಿ,  
ಯೋಗಾಸನ : ಅ) ಪೀಠ ಅಥವಾ ಧ್ಯಾನದ ಭಂಗಿಯಲ್ಲಿ ಕುಳಿತುಕೊಳ್ಳುವಿಕೆ 
ಪ್ರಾಣಾಯಾಮ : ಉಸಿರನ್ನು ನಿಯಂತ್ರಿಸುವುದು, ಇನ್ನೊಂದೆಡೆ ಜೀವಶಕ್ತಿಯ ನಿಯಂತ್ರಣವೂ ಹೌದು 
ಪ್ರತ್ಯಾಹಾರ :  ಬಾಹ್ಯ ವಸ್ತುಗಳಿಂದ, ಇಂದ್ರಿಯಗಳಿಂದ ದೂರವಿರುವಿಕೆ
ಧಾರಣ :  ಗಮನವನ್ನು ಒಂದು ವಸ್ತುವಿನ ಕಡೆಗೆ ಕೇಂದ್ರಿಕರಿಸುವುದು.
ಧ್ಯಾನ : ಗುರಿಯ ಸ್ವಭಾವದತ್ತ ಅತೀವ ಚಿಂತನೆ
ಸಮಾದಿ : ಧ್ಯಾನದ ಗುರಿಯಲ್ಲಿಯೇ ತನ್ನನ್ನು ಮಗ್ನನಾಗಿಸಿಕೊಳ್ಳುವುದು. ಈ ಮಾರ್ಗಗಳು ದೇಹ-ಮನಸ್ಸುಗಳ ಲಹರಿ ಮೀರಿದ  ಧೀ ಚೈತನ್ಯದಿಂದ ಪ್ರಾಂಜಲತೆಯನ್ನು ಸಿದ್ಧಿಸಿಕೊಳ್ಳುವ ಸಂಯಮದ ವಿಧಾನವೆಂದಿದ್ದಾರೆ.

ಪ್ರಸ್ತುತ ದಿನಗಳಲ್ಲಿ ಯೋಗವು ಧರ್ಮ, ಜಾತಿ ಹಾಗೂ ವರ್ಗಗಳ ಬೇಧವಿಲ್ಲದೆ ಭಾರತೀಯರಲ್ಲಿ ಐದು ಅರ್ಥಗಳಲ್ಲಿ ಬಳಕೆಯಲ್ಲಿದೆ.
1. ಗುರಿ ಸಾಧಿಸಲು ಬೇಕಾದ ಆಚರಣೆಯ ಮಾರ್ಗವಾಗಿದೆ.
2. ದೇಹ ಮತ್ತು ಮನಸ್ಸನ್ನು ನಿಯಂತ್ರಿಸುವ ತಂತ್ರವಾಗಿದೆ.
3. ಭಾರತೀಯ ತತ್ವಜ್ಞಾನದ ಒಂದು ಪಂಥವಾಗಿ ಬಳಕೆಯಲ್ಲಿದೆ.
4. ಹಠಯೋಗ : ಮಂತ್ರ - ಲಯಗಳೊಂದಿಗೆ ಬಳಸಲಾಗುತ್ತದೆ.
5. ನಿರ್ದಿಷ್ಟ ಸಂಪ್ರದಾಯ ಅಥವಾ ಆಚರಣೆಯ ಅರ್ಥದಲ್ಲಿ ಬಳಸಲ್ಪಡುತ್ತಿದೆ.

ಪಾಶ್ಚಿಮಾತ್ಯ ದೇಶಗಳಲ್ಲಿ ಝೆನ್ ಮತ್ತು ಯೋಗಗಳನ್ನು ಅವಳಿಗಳೆಂದು ಪರಿಗಣಿಸಲಾಗುತ್ತಿದೆ. ಅದರಲ್ಲೂ ಯೋಗವೆಂದರೆ –ಆಸನ ಮತ್ತು ಹಠಯೋಗ ಎಂದೇ ಪರಿಭಾವಿಸಲಾಗಿದೆ.

ನಾಗಲೋಟದಲ್ಲಿ ಸಾಗುತ್ತಿರುವ ಆಧುನಿಕ ಯುಗದಲ್ಲಿ ಮನುಕುಲವು ಯಂತ್ರದ ಓಟಕೆ ಮಂತ್ರವನಾಡುತ ಮುಂದಕ್ಕೆ ಅಡಿಯಿಡುತ್ತಿರುವುದನ್ನು ಗಮನಿಸಿದರೆ, ಬಾಹ್ಯ ಅಭಿವೃದ್ಧಿಯತ್ತ ಗಹನವಾಗಿ ಚಿಂತಿಸುತ್ತಾ, ತಾಳ್ಮೆ ಆನಂದ, ಆರೋಗ್ಯದತ್ತ ಗಮನಹರಿಸದೆ ಮಾನಸಿಕ ಮತ್ತು ದೈಹಿಕ ಅವಸ್ಥೆಗಳ ಕಡೆಗೆ ಗಮನವಿಲ್ಲದೆ, ಧಾವಂತವಾಗಿ  ಮನೋ ದೌರ್ಬಲ್ಯ, ಬುದ್ಧಿಭ್ರಮಣೆ ಮತ್ತು ಅನಾರೋಗ್ಯದ ಅಧಿಪತಿಗಳಾಗುತ್ತಿರುವುದು ಖೇದಕರ ಸಂಗತಿಯಾಗಿದೆ. ಆರೋಗ್ಯ ಸುಧಾರಣೆಯ ನೆಪದಲ್ಲಿ ನಾವು ಬಳಸುತ್ತಿರುವ ಔಷಧಿ ಮತ್ತು ಸೇವಿಸುತ್ತಿರುವ ರಾಸಾಯಾನಿಕಯುಕ್ತ ಆಹಾರಗಳಿಂದ ವಿಪರೀತ ದುಷ್ಪರಿಣಾಮಗಳನ್ನೆದುರಿಸುತ್ತಾ ಹಲವು ಕಾಯಿಲೆಗಳ ಅವಾಸರಾಗುತ್ತಿದ್ದೇವೆ.

ಮಾನವ ದೇಹದ ಪ್ರತಿಯೊಂದು ಅವಯವದ ಸಕ್ರಿಯ ಚಟುವಟಿಕೆಗೆ ಸಂಜೀವಿನಿಯಂತಿರುವ ಯೋಗವು ಚಿಕ್ಕಮಕ್ಕಳಿಂದ ವೃದ್ಧಾಪ್ಯದವರೆಗೂ ಎಲ್ಲರೂ ಬೇಧವಿಲ್ಲದೆ ಕಲಿಯಲು ಬೇಕಾದ ಬೋಧನಾ ಶಾಖೆಯಾಗಿದೆ. ವೃದ್ಧಾಪ್ಯದಲ್ಲಿ ಸಂಭವಿಸಬಹುದಾದ ಅನೇಕ ದೈಹಿಕ-ಮಾನಸಿಕ ಕಾಯಿಲೆಗಳಿಗೆ ಸವಾಲಾಗಿ ನಿಲ್ಲುವ ಸಾಮಥ್ರ್ಯ ಯೋಗಕ್ಕಿದೆ. ಚಿಕ್ಕಮಕ್ಕಳು ಸೂಕ್ತ ಮಾರ್ಗದರ್ಶನದ ಮುಖೇನ ಅಭ್ಯಾಸ ಮಾಡುವುದರಿಂದ ಅವರ ಮೆದಳು, ಕಣ್ಣುಗಳು ಮುಂತಾದ ಸೂಕ್ಷ್ಮ ಅಂಗಾಂಗಗಳು ಚುರುಕಾಗುತ್ತವೆ ದಿನನಿತ್ಯ ಒಂದರಿಂದ –ಒಂದೂವರೆ ತಾಸು ಯೋಗಾಭ್ಯಾಸ ಮಾಡುವುದರಿಂದ ದಿನದ ಪೂರ್ಣ ಅವಧಿಯಲ್ಲಿ ಚೈತನ್ಯದ ಚಿಲುಮೆಗಳಾಗುತ್ತಾರೆ, ಜವಬ್ದಾರಿಯ ನಿಭಾವಣೆಯಲ್ಲಿರುವವರು ಮುಂಜಾನೆಯಿಂದ 12 ಗಂಟೆಯ ಒಳಗೆ, ಸಂಜೆ 4 ರಿಂದ 8 ಗಂಟೆಯ ಅವಧಿಯಲ್ಲಿ ಎರಡು ಭಾಗ ಮಾಡಿಕೊಂಡು ಅಭ್ಯಾಸ ಮಾಡುವುದು ಯೋಗ್ಯವಾದದ್ದು.

      ನಿರಂತರ ಯೋಗ ಅಭ್ಯಾಸದಿಂದ ಇಂದ್ರಿಯಗಳ ನಿಗ್ರಹದ ಜೊತೆಗೆ ಮನೋಲ್ಲಾಸ ಮತ್ತು ದೇಶದ ನೈತಿಕ ನಿಯಮಗಳನ್ನು ಪಾಲಿಸುವ ಪ್ರಬುದ್ಧ ಪ್ರಜೆಗಳಾಗುವುದರಲ್ಲಿ ಅನುಮಾನವಿಲ್ಲ, ವಿದ್ಯಾರ್ಥಿಗಳಿಗಂತೂ ಶೈಕ್ಷಣಿಕ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡು ಯಶಸ್ವಿಯಾಗಲು ಯೋಗವು ಅತ್ಯುತ್ತಮ ಅಸ್ತ್ರವಾಗಿದೆ, ಆದ ಕಾರಣ ಭಾರತದ ಹಲವು ಪ್ರಾಥಮಿಕ ಮತ್ತು ಪೌಢಶಿಕ್ಷಣದ ಶಾಲೆಗಳು ಯೋಗ ಶಿಕ್ಷಣವನ್ನು ಕಡ್ಡಾಯಗೊಳಿಸಿದೆ.

ಆಧುನಿಕ ಜಗತ್ತಿನ ಒಳಗೆ ಜಂಜಾಟದಲ್ಲಿ ಜರ್ಜಿರಿತರಾಗುತ್ತಿರುವ ನಾವುಗಳು ‘ಯೋಗವಿದ್ದಲ್ಲಿ ರೋಗವಿನ್ನೆಲ್ಲಿ’ ಎನ್ನುವ ಸಂಕಲ್ಪದೊಂದಿಗೆ ಆರೋಗ್ಯ ಪೂರ್ಣ ಭಾರತಕ್ಕಾಗಿ ಯೋಗವನ್ನು ಕಲಿಯುವ ಸುಯೋಗ ನಮ್ಮದಾಗಿಸಿಕೊಳ್ಳೋಣ.

ಸಂತೋಷ ಎಸ್.
ಕನ್ನಡ ಉಪನ್ಯಾಸಕರು
ಶ್ರೀ ಸಿದ್ಧಗಂಗಾ ಪದವಿ ಪೂರ್ವ ಕಾಲೇಜು,
ದಾವಣಗೆರೆ 577002.


Tuesday, June 5, 2018

NEET Result - 2018

JEE, CET ನಂತರ NEET ನಲ್ಲೂ ಸಿದ್ಧಗಂಗಾ ಕಾಲೇಜಿನ ಅತ್ಯುತ್ತಮ ಸಾಧನೆ
2017-18 ನೇ ಸಾಲಿನ NEET ಪರೀಕ್ಷಾ ಫಲಿತಾಂಶ ಪ್ರಕಟಗೊಂಡಿದ್ದು, ಸಿದ್ಧಗಂಗಾ ಪಿ.ಯು. ಕಾಲೇಜು ಸಾಧನೆಯ ಮೆರೆದಿದೆ. JEE, KCET ಪರೀಕ್ಷಾ ಫಲಿತಾಂಶದ ನಂತರ ಇಂದು ಪ್ರಕಟಗೊಂಡ NEET ಪರೀಕ್ಷೆಯಲ್ಲಿ ಸಿದ್ಧಗಂಗಾ ಪಿ.ಯು.ಕಾಲೇಜಿನ ಸುನಿಧಿ ಎಂ.ಘಟಿಕರ್ 720 ಕ್ಕೆ 516 ಅಂಕ ಗಳಿಸಿ 98.73 Percentile ನಲ್ಲಿ ರಾಷ್ಟ್ರಮಟ್ಟದ ಪರೀಕ್ಷೆಯೊಂದರಲ್ಲಿ ಉತ್ತಮ ಸಾಧನೆ ಮಾಡಿ ಕಾಲೇಜಿಗೆ ಹಾಗೂ ದಾವಣಗೆರೆ ಜಿಲ್ಲೆಗೆ ಕೀರ್ತಿ ತಂದಿರುತ್ತಾಳೆ. JEE ಹಾಗೂ CET ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಈ ವಿದ್ಯಾರ್ಥಿನಿ ಗಮನಾರ್ಹ ಸಾಧನೆ ಮಾಡಿದ್ದನ್ನು ನಾವಿಲ್ಲಿ ಸ್ಮರಿಸಬಹುದು. ಜೊತೆಗೆ ಇದೇ ಕಾಲೇಜಿನ ಪೂರ್ವಿ ಪಿ. ರಾಮ್‍ಘಟ್ಟ (98.13 Percentile), ವೀರೇಶ್ ಎಮ್.ಎನ್. (94.23 Percentile), ಬಸವರಾಜ್ ಎನ್. (93.99 Percentile) ಇವರು ಸಹ ಉತ್ತಮ Percentile ಗಳಿಸಿ ಸಿದ್ಧಗಂಗೆಯ ಕೀರ್ತಿ ರಥಕ್ಕೆ ಹೆಗಲು ಕೊಟ್ಟಿರುತ್ತಾರೆ.

ವಿಶೇಷಚೇತನರಾದ ಗುರುಗೋವಿಂದಾಚಾರಿ 189ನೇ, ಚೈತ್ರ ಎಚ್.ಇ. 267ನೇ ಹಾಗೂ ವಿನಾಯಕ ಎ.ಎಮ್. 506ನೇ ರಾಷ್ಟ್ರಮಟ್ಟದ Rank ಪಡೆಯುವುದರ ಮೂಲಕ ದಾವಣಗೆರೆ ಜಿಲ್ಲೆಗೆ ಕೀರ್ತಿಯ ಕಿರೀಟ ತೊಡಿಸಿದ್ದಾರೆ.

ಸಿದ್ಧಗಂಗಾ ಪಿ.ಯು ಕಾಲೇಜಿನಿಂದ ಪರೀಕ್ಷೆ ತೆಗೆದುಕೊಂಡವರ ಪೈಕಿ ಈ ಬಾರಿ ಒಟ್ಟು 320 ವಿದ್ಯಾರ್ಥಿಗಳು ಅರ್ಹತೆಗಳಿಸಿದ್ದು, 39 ವಿದ್ಯಾರ್ಥಿಗಳು 85 Percentile ಗಿಂತ ಅಧಿಕ ಅಂಕ ಗಳಿಸಿರುತ್ತಾರೆ. ಕಾಲೇಜಿನ ಇತಿಹಾಸದಲ್ಲೇ ಇದೊಂದು ಅಪ್ರತಿಮ ಸಾಧನೆ ಆಗಿದೆ. ಉತ್ತಮ ಫಲಿತಾಂಶ ತಂದುಕೊಟ್ಟಿದ್ದಕ್ಕಾಗಿ ಕಾಲೇಜಿನ ಸಂಸ್ಥಾಪಕರಾದ ಶ್ರೀ ಎಮ್.ಎಸ್.ಶಿವಣ್ಣ, ಮುಖ್ಯಸ್ಥರಾದ ಶ್ರೀಮತಿ ಜಸ್ಟಿನ್ ಡಿಸೋಜಾ, ಕಾರ್ಯದರ್ಶಿಗಳಾದ ಶ್ರೀ ಹೇಮಂತ್.ಡಿ.ಎಸ್., ನಿರ್ದೇಶಕರಾದ ಡಾ|| ಜಯಂತ್ ಹಾಗೂ ಪ್ರಾಂಶುಪಾಲರಾದ ಶ್ರೀ ಪ್ರಸಾದ್ ಬಂಗೇರ ಎಸ್. ಇವರು ಹರ್ಷವ್ಯಕ್ತಪಡಿಸಿ ವಿದ್ಯಾರ್ಥಿಗಳಿಗೆ ಹಾಗೂ ಉಪನ್ಯಾಸಕರಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.


Saturday, June 2, 2018

KCET Result - 2018

ದಾವಣಗೆರೆ, ಜೂನ್ 1, 2018
2017-18ನೇ ಸಾಲಿನ ಸಿ.ಇ.ಟಿ. ಫಲಿತಾಂಶ ಇಂದು ಪ್ರಕಟಗೊಂಡಿದ್ದು  ಶ್ರೀ ಸಿದ್ಧಗಂಗಾ ಪದವಿ ಪೂರ್ವ ಕಾಲೇಜಿನ ಸುನಿಧಿ ಎಂ. ಘಟಿಕರ್ ಬಿ.ಎಸ್ಸಿ (ಅಗ್ರಿ)ಯಲ್ಲಿ ರಾಜ್ಯಕ್ಕೆ 28ನೇ Rank  ಹಾಗೂ ಭರತ್ ಪಟೇಲ್ ಪಶು ವೈದ್ಯಕೀಯದಲ್ಲಿ ರಾಜ್ಯಕ್ಕೆ 24ನೇ Rank ಪಡೆದಿರುತ್ತಾರೆ.  ಸುನಿಧಿ ಎಂ.ಘಟಿಕರ್ ಇಂಜಿನಿಯರಿಂಗ್ ವಿಭಾಗದಲ್ಲಿ ರಾಜ್ಯಕ್ಕೆ 191ನೇ Rank, ಪಶು ವೈದ್ಯಕೀಯ ವಿಭಾಗದಲ್ಲಿ 139ನೇ Rank, ಬಿ.ಫಾರ್ಮ ಹಾಗೂ ಡಿ.ಫಾರ್ಮದಲ್ಲಿ 349ನೇ Rank ಪಡೆದಿರುತ್ತಾಳೆ. ಈ ವಿದ್ಯಾರ್ಥಿನಿಯು JEE(Main) ಪರೀಕ್ಷೆಯಲ್ಲಿ ಉತ್ತಮ ಸಾಧನೆ ಮಾಡಿ  ದಾವಣಗೆರೆ ಜಿಲ್ಲೆಗೆ  ಪ್ರಥಮ ಸ್ಥಾನ ಪಡೆದಿದ್ದನ್ನು ಇಲ್ಲಿ ಸ್ಮರಿಸಬಹುದಾಗಿದೆ.

ರಾಜ್ಯ ಮಟ್ಟದ ಸಿ.ಇ.ಟಿಯಲ್ಲಿ ಸಿದ್ಧಗಂಗಾ ಪದವಿ ಪೂರ್ವ ವಿಜ್ಞಾನ ಕಾಲೇಜಿನ ಫಲಿತಾಂಶ ಜಿಲ್ಲಾ ಮಟ್ಟದಲ್ಲಿ ಅತ್ಯುತ್ತಮ ಸ್ಥಾನ ಪಡೆದು ದಾಖಲೆ ನಿರ್ಮಿಸಿದೆ.

ಕು|| ಸುನಿಧಿ ಎಂ ಘಟಿಕರ್ ಬಿ.ಎಸ್ಸಿ ಅಗ್ರಿಯಲ್ಲಿ 28ನೇ ಪಶು ವೈದ್ಯಕೀಯದಲ್ಲಿ 139ನೇ ಇಂಜಿನಿಯರಿಂಗ್‍ನಲ್ಲಿ 191ನೇ Rank, ಭರತ್ ಪಟೇಲ್ ಹೆಚ್.ಎಲ್. ಬಿ.ಎಸ್ಸಿ ಅಗ್ರಿಯಲ್ಲಿ 355ನೇ ಪಶು ವೈದ್ಯಕೀಯದಲ್ಲಿ 24ನೇ Rank, ಗಣೇಶ್ ಕೆ.ಆರ್. ಬಿ.ಎಸ್ಸಿ ಅಗ್ರಿಯಲ್ಲಿ 196ನೇ, ಪಶು ವೈದ್ಯಕೀಯದಲ್ಲಿ 46ನೇ Rank, ಮೇಘರಾಜ್ ಬಿ.ಕೆ. ಬಿ.ಎಸ್ಸಿ. ಅಗ್ರಿಯಲ್ಲಿ 433ನೇ, ಪಶು ವೈದ್ಯಕೀಯದಲ್ಲಿ 65ನೇ Rank, ಸೌಭಾಗ್ಯ ಎಸ್ ಬೀಳಗಿಮಠ್ ಬಿ.ಎಸ್ಸಿ. ಅಗ್ರಿಯಲ್ಲಿ 300ನೇ, ಪಶು ವೈದ್ಯಕೀಯದಲ್ಲಿ 93ನೇ Rank, ಬಸವರಾಜ್ ಬಿ.ಎಸ್ಸಿ. ಅಗ್ರಿಯಲ್ಲಿ 278ನೇ, ಪಶು ವೈದ್ಯಕೀಯದಲ್ಲಿ 114ನೇ Rank, ಕೀರ್ತಿ ಜಿ.ಎಂ ಬಿ.ಎಸ್ಸಿ. ಅಗ್ರಿಯಲ್ಲಿ 270ನೇ, ಪಶು ವೈದ್ಯಕೀಯದಲ್ಲಿ 116ನೇ Rank, ವೀರೇಶ್ ಎಂ.ಎನ್. ಬಿ.ಎಸ್ಸಿ. ಅಗ್ರಿಯಲ್ಲಿ 450ನೇ, ಪಶು ವೈದ್ಯಕೀಯದಲ್ಲಿ 129ನೇ Rank, ಸೌಂದರ್ಯ ಬಿ.ಎಸ್. ಪಶು ವೈದ್ಯಕೀಯದಲ್ಲಿ 144ನೇ Rank, ಪೃಥ್ವಿರಾಜ್ ಹಳೇಮನಿ ಬಿ.ಎಸ್ಸಿ. ಅಗ್ರಿಯಲ್ಲಿ 492ನೇ, ಪಶು ವೈದ್ಯಕೀಯದಲ್ಲಿ 197ನೇ Rank ಪಡೆದಿರುತ್ತಾರೆ.

ಕಾಲೇಜಿನ ಒಟ್ಟು ವಿದ್ಯಾರ್ಥಿಗಳಲ್ಲಿ ನೂರರೊಳಗೆ 5 ವಿದ್ಯಾರ್ಥಿಗಳು, ಐನೂರರೊಳಗೆ  38, ಸಾವಿರದೊಳಗೆ 58  ಹಾಗೂ ಐದು ಸಾವಿರದೊಳಗೆ 376 Rank ಪಡೆದಿರುತ್ತಾರೆ ಎಂದು ಪ್ರಾಚಾರ್ಯರು ತಮ್ಮ ಪ್ರಕಟಣೆಯಲ್ಲಿ ತಿಳಿಸಿರುತ್ತಾರೆ. ವಿದ್ಯಾರ್ಥಿಗಳ ಈ ಉತ್ತಮ ಸಾಧನೆಗೆ ಸಂಸ್ಥಾಪಕರಾದ ಎಂ.ಎಸ್.ಶಿವಣ್ಣ, ಶ್ರೀಮತಿ ಜಸ್ಟಿನ್ ಡಿಸೋಜ, ಕಾರ್ಯದರ್ಶಿಗಳಾದ ಶ್ರೀ ಹೇಮಂತ್. ಡಿ.ಎಸ್ ಹಾಗೂ ನಿರ್ದೇಶಕರಾದ ಡಾ|| ಜಯಂತ್.ಡಿ.ಎಸ್ ಮತ್ತು ಪ್ರಾಚಾರ್ಯರಾದ ಪ್ರಸಾದ್‍ ಬಂಗೇರ ಹರ್ಷ ವ್ಯಕ್ತಪಡಿಸಿ ವಿದ್ಯಾರ್ಥಿಗಳಿಗೆ ಹಾಗೂ ಅತ್ಯುತ್ತಮವಾಗಿ ಭೋಧಿಸಿ ಮಾರ್ಗದರ್ಶನ ಮಾಡಿದ ಉಪನ್ಯಾಸಕರಿಗೆ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.

ಪ್ರಾಂಶುಪಾಲರು
ಪ್ರಸಾದ್ ಬಂಗೇರ ಎಸ್,
ಶ್ರೀ ಸಿದ್ಧಗಂಗಾ ಪದವಿ ಪೂರ್ವ ಕಾಲೇಜು,
ದಾವಣಗೆರೆ 577002.
ಫೋನ್ ಸಂಖ್ಯೆ : 9448754037



Wednesday, May 30, 2018

CBSE X Result - 2018

ಸಿದ್ಧಗಂಗಾ ಸಿ.ಬಿ.ಎಸ್.ಇ. - 100% ಫಲಿತಾಂಶ

ದಾವಣಗೆರೆ, ಮೇ 29,
ಕಳೆದ ಮಾರ್ಚ್‍ನಲ್ಲಿ ನಡೆದ 10ನೇ ತರಗತಿ ಸಿ.ಬಿ.ಎಸ್.ಇ. ಪರೀಕ್ಷೆ ಫಲಿತಾಂಶ ಪ್ರಕಟವಾಗಿದ್ದು ನಗರದ ಸಿದ್ಧಗಂಗಾ ಸಿ.ಬಿ.ಎಸ್.ಇ. ಪಠ್ಯಕ್ರಮದ ಶಾಲೆಗೆ ನೂರಕ್ಕೆ ನೂರು ಫಲಿತಾಂಶ ದೊರಕಿದೆ. ಪರೀಕ್ಷೆಗೆ ಹಾಜರಾದ 35 ಮಕ್ಕಳಲ್ಲಿ 9 ಮಕ್ಕಳು ಡಿಸ್ಟಿಂಕ್ಷನ್‍ನಲ್ಲಿ, 24 ಮಕ್ಕಳು ಪ್ರಥಮ ದರ್ಜೆಯಲ್ಲಿ ಮತ್ತು ಇಬ್ಬರು ದ್ವಿತೀಯ ದರ್ಜೆಯಲ್ಲಿ ಉತ್ತೀರ್ಣರಾಗಿರುತ್ತಾರೆ.
ಕನ್ನಡ 93, ಇಂಗ್ಲೀಷ್ 95, ಗಣಿತ 91, ವಿಜ್ಞಾನ 89, ಸಮಾಜ 96 ಒಟ್ಟು 500ಕ್ಕೆ 464 ಅಂಕಗಳನ್ನು ಗಳಿಸಿದ ಉಲ್ಲಾಸ್ ವಿಶ್ವಕರ್ಮ ಶಾಲೆಗೆ ಪ್ರಥಮ ಸ್ಥಾನ ಪಡೆದಿದ್ದಾನೆ. ಉಲ್ಲಾಸ್ 92.8%, ಕಾವ್ಯ ಹೆಚ್.ವೈ. 91.8%, ನಿಸರ್ಗ ಎಸ್. ಕೌಟಿ 90.4%, ಅಂಕಿತ ಕೆ.ಬಿ. ವಿರಾಂಚಿ ಎಲ್.ಎಸ್. 88.8%, 89.6%, ಅತಿಯಾ ಫಿರ್ದೊಸ್ 87.8%, ಕೀರ್ತಿ ಎಂ.ಆರ್. 86.2%, ತನುಶ್ರೀ ಬಿ.ಎಸ್. 86%, ಶುಭ ಕೆ.ಎಂ. 85.8% ಪಡೆದು ಡಿಸ್ಟಿಕ್ಷಂನ್‍ನಲ್ಲಿ ಉತ್ತೀರ್ಣರಾಗಿದ್ದಾರೆ.
ಮೊದಲ ಬ್ಯಾಚಿನ ಉತ್ತಮ ಫಲಿತಾಂಶಕ್ಕೆ ಕಾರಣರಾದ ಮಕ್ಕಳಿಗೆ ಮತ್ತು ಬೋಧಕ ವರ್ಗದವರಿಗೆ ಆಡಳಿತ ಮಂಡಳಿಯ ಹೇಮಂತ್ ಡಿ.ಎಸ್., ಪ್ರಾಚಾರ್ಯರಾದ ಶ್ರೀಮತಿ ಗಾಯತ್ರಿ ಹಾಗೂ ಉಪಪ್ರಾಚಾರ್ಯರಾದ ಶ್ರೀಮತಿ ಶಾಂತಿ ಅಭಿನಂದನೆ ಸಲ್ಲಿಸಿದ್ದಾರೆ.


Tuesday, May 8, 2018

SSLC Result - 2018


ಸಿದ್ಧಗಂಗಾ ಕಾಂಪೋಜಿಟ್ ಹೈಸ್ಕೂಲ್
SSLC  ಫಲಿತಾಂಶ 99%
ದಾವಣಗೆರೆ, ಮೇ 7
ನಗರದ ಶ್ರೀ ಸಿದ್ಧಗಂಗಾ ಕಾಂಪೋಜಿಟ್ ಹೈಸ್ಕೂಲಿಗೆ ಪ್ರತಿ ವರ್ಷದಂತೆ ಈ ಬಾರಿಯೂ ಉತ್ತಮ ಫಲಿತಾಂಶ ಬಂದಿದೆ.
ಗೌತಮಿ ಆರ್. ಎಂಬ ಬಾಲಕಿ 625 ಕ್ಕೆ 611 ಅಂಕಗಳನ್ನು ಪಡೆದು ಶಾಲೆಗೆ ಪ್ರಥಮ ಸ್ಥಾನ ಪಡೆದಿದ್ದಾಳೆ. ಕನ್ನಡ 124 , ಇಂಗ್ಲೀಷ್ 99, ಹಿಂದಿ 97, ಗಣಿತ 92, ವಿಜ್ಞಾನ 99 ಮತ್ತು ಸಮಾಜದಲ್ಲಿ 100 ಅಂಕಗಳನ್ನು ಗಳಿಸಿದ್ದಾಳೆ.
ಕನ್ನಡ ವಿಷಯದಲ್ಲಿ ನಾಲ್ಕು ಮಕ್ಕಳು 125 ಕ್ಕೆ 125,  ಹಿಂದಿಯಲ್ಲಿ 5 ಮಕ್ಕಳು 100 ಕ್ಕೆ 100 ಮತ್ತು ಸಮಾಜ ವಿಜ್ಞಾನದಲ್ಲಿ 3 ಮಕ್ಕಳು 100 ಕ್ಕೆ 100 ಅಂಕಗಳನ್ನು ಗಳಿಸಿ ಉತ್ತಮ ಫಲಿತಾಂಶ ನೀಡಿದ್ದಾರೆ. ಡಿಸ್ಟಿಂಕ್ಷನ್ ಪಡೆದ ಮಕ್ಕಳ ಸಂಖ್ಯೆ 71.
600 ಕ್ಕಿಂತ ಹೆಚ್ಚು ಅಂಕಗಳನ್ನು ಪಡೆದಿರುವ  ಗೌತಮಿ ಆರ್. , ನಯನ ವೈ. ಎಂ. , ಧನ್ಯತಾ ಟಿ.,  ಸ್ಫೂರ್ತಿ ಡಿ. , ಪರಶುರಾಮ ಎಸ್. ಪಿ. , ಚಿರಂತನ ಎನ್. ಕೆ. , ತರುಣ್ ಪಿ. ಮತ್ತು ಸ್ವಾತಿ ಎಸ್. ಇವರು MSS ಸ್ಕಾಲರ್‍ಶಿಪ್‍ಗೆ ಅರ್ಹತೆ ಪಡೆದಿದ್ದಾರೆ. ಸಿದ್ಧಗಂಗಾ ಕಾಂಪೋಜಿಟ್ ಹೈಸ್ಕೂಲಿಗೆ 99% ಫಲಿತಾಂಶ ದೊರಕಿಸಿಕೊಟ್ಟ ಎಲ್ಲಾ ಮಕ್ಕಳನ್ನು ಹಾಗೂ ಉತ್ತಮ ಫಲಿತಾಂಶ ಪಡೆಯಲು ಕಾರಣಕರ್ತರಾದ ಬೋಧಕ ವರ್ಗದವರಿಗೆ ಶಾಲೆಯ ಸಂಸ್ಥಾಪಕರಾದ ಎಂ. ಎಸ್. ಶಿವಣ್ಣ ಆಡಳಿತ ಮಂಡಳಿಯ ಹೇಮಂತ್ ಮತ್ತು ಡಾ|| ಜಯಂತ್‍ರವರು ಮುಖ್ಯ ಶಿಕ್ಷಕಿ ಜಸ್ಟಿನ್ ಡಿಸೌಜ ಅಭಿನಂದನೆಗಳನ್ನು ತಿಳಿಸಿದ್ದಾರೆ.




Wednesday, May 2, 2018

JEE (Main) Result - 2018

JEE (Main) ನಲ್ಲಿ ಟಾಪರ್
ಸಿದ್ಧಗಂಗಾ ಪಿ.ಯು ಕಾಲೇಜಿನ ಸುನಿಧಿ ಘಟಿಕರ್

ದಾವಣಗೆರೆ, ಮೇ 1
ಕಳೆದ ಏಪ್ರಿಲ್‍ನಲ್ಲಿ ನಡೆದ JEE (Main) ನಲ್ಲಿ ಸಿದ್ಧಗಂಗಾ ಪದವಿ ಪೂರ್ವ ಕಾಲೇಜಿನ ಟಾಪರ್ ಸುನಿಧಿ ಎಂ ಘಟಿಕರ್ 167 ಅಂಕಗಳನ್ನು ಪಡೆದು ಜಿಲ್ಲೆಗೆ ಪ್ರಥಮ ಸ್ಥಾನ ಪಡೆದಿದ್ದಾಳೆ. ಸುನಂದ ಮತ್ತು ಮುರಳಿ ದಂಪತಿಗಳ ಪುತ್ರಿ ಸುನಿಧಿ ದ್ವಿತೀಯ ಪಿ.ಯು.ಸಿ. ಪರೀಕ್ಷೆಯಲ್ಲಿ 583 ಅಂಕಗಳಿಸಿ ಸಿದ್ಧಗಂಗಾ ಕಾಲೇಜಿನ ಟಾಪರ್ ಆಗಿ ಹೊರ ಹೊಮ್ಮಿದ್ದಾಳೆ. ಸಂಗೀತ, ನೃತ್ಯದ
ಜೊತೆಗೆ ಶೈಕ್ಷಣಿಕ ಸಾಧನೆಯನ್ನೂ ಮಾಡಿರುವ ಸುನಿಧಿ, ತನ್ನ ಸಾಧನೆಗೆ ಸಿದ್ಧಗಂಗಾ ಕಾಲೇಜಿನ ಉಪನ್ಯಾಸಕರ ಗುಣಮಟ್ಟ, ಅವರು ನೀಡುತ್ತಿರುವ ಅತ್ಯುತ್ತಮ ತರಬೇತಿ ಹಾಗೂ ಕಾಲೇಜಿನ ಆಡಳಿತ ಮಂಡಳಿ ಸಹಕಾರ ಕಾರಣ ಎನ್ನುತ್ತಾಳೆ. ಸಿದ್ಧಗಂಗಾ ಕಾಲೇಜಿನ ಈ ಪ್ರತಿಭಾವಂತ ವಿದ್ಯಾರ್ಥಿನಿಯನ್ನು ಕಾಲೇಜಿನ ಪ್ರಾಚಾರ್ಯರಾದ ಪ್ರಸಾದ್ ಬಂಗೇರ, ವ್ಯವಸ್ಥಾಪಕ ನಿರ್ದೇಶಕರಾದ ಡಾ|| ಜಯಂತ್ ಅವರು ಅಭಿನಂದಿಸಿದ್ದಾರೆ.


JEE(Main) RESULT......
Congrats!!! SUNIDHI M GHATIKAR "Davanagere District Topper" from SIDDAGANGA Scored 167 Marks in JEE(Main) & Congrats!!!  SIDDAGANGA Team Produced Highest number 96 Students Eligible for appear JEE(advance) exam.

-Prasad Bangera S,
Principal
Siddaganga PU College

JEE (Main) ನಲ್ಲಿ ಜಿಲ್ಲೆಯ ಟಾಪರ್ ಸುನಿಧಿ ತಂದೆಯ ಮನದ ಮಾತು
ಬಾಲ್ಯದಿಂದಲೂ ನನ್ನ ಮಗಳನ್ನು ಉತ್ತಮ ಸಂಸ್ಕಾರದಲ್ಲಿ ಬೆಳೆಸಿದ್ದೇನೆ. SSLC ನಂತರ ಮಗಳನ್ನು ಯಾವ ಕಾಲೇಜಿಗೆ ಸೇರಿಸಬೇಕೆಂಬ ಗೊಂದಲವೇ ಇರಲಿಲ್ಲ. ಶಿಕ್ಷಣದ ಜೊತೆಗೆ ಉತ್ತಮ ಸಂಸ್ಕೃತಿ ಆದರ್ಶಗಳನ್ನು ಬೆಳೆಸುತ್ತಿರುವ ದಾವಣಗೆರೆಯ ಸಿದ್ಧಗಂಗಾ ಕಾಲೇಜು ನನ್ನ ಆಯ್ಕೆಯಾಗಿತ್ತು. ಪ್ರಥಮ ದಿನದಿಂದಲೇ ಕಾಲೇಜಿನ ಕಾರ್ಯವೈಖರಿ ನನ್ನ ಮೆಚ್ಚುಗೆಗೆ ಪಾತ್ರವಾಗಿತ್ತು. ಸುಸಂಸ್ಕೃತ ಪ್ರಾಚಾರ್ಯರು, ತಮ್ಮ ತಮ್ಮ ವಿಷಯಗಳಲ್ಲಿ ಪರಿಪೂರ್ಣ ಪಾಂಡಿತ್ಯ ಹೊಂದಿರುವ ಬೋಧಕ ವರ್ಗ, ಸಹೃದಯ ಆಡಳಿತ ಮಂಡಳಿ, ಸೌಜನ್ಯಭರಿತ ಬೋಧಕೇತರ ಸಿಬ್ಬಂದಿ ನನ್ನ ಗಮನ ಸೆಳೆದತ್ತು. ಪ್ರತಿಯೊಂದು ಕಾರ್ಯವೂ ವ್ಯವಸ್ಥಿತವಾಗಿ, ಮಕ್ಕಳ ಬೌದ್ಧಿಕ ವಿಕಸನಕ್ಕೆ ಪೂರಕವಾಗಿರುತ್ತಿತ್ತು. ಪಿ.ಯು.ಸಿ. ಪಠ್ಯದ ಜೊತೆಗೆ NEET, JEE, KCET, JIPMER ಇವುಗಳಿಗೆ ನಿರಂತರ ತರಬೇತಿ ದೊರೆಯುತ್ತಿದ್ದುದರಿಂದ ನಾನು ನಿಶ್ಚಿಂತನಾಗಿದ್ದೆ. OMR ಶೀಟ್‍ಗಳಲ್ಲಿ ಎಕ್ಸಾಂ ನಡೆಸಿದ ತಕ್ಷಣ ಫಲಿತಾಂಶ ನೀಡಿ ಪಾಲಕರಿಗೆ SMS ಮೂಲಕ ಮಾಹಿತಿ ಕಳುಹಿಸುತ್ತಿದ್ದರು. ಮಕ್ಕಳ ಸ್ಪರ್ಧಾತ್ಮಕ ಪರೀಕ್ಷೆಗೆಂದು ಆಡಳಿತ ಮಂಡಳಿ ಪ್ರತಿ ವಿದ್ಯಾರ್ಥಿಗೆ Tab ಸೌಕರ್ಯ ಕಲ್ಪಿಸಿದೆ. ಇಲ್ಲಿ ದೊರೆಯುತ್ತಿರುವ ಗುಣಾತ್ಮಕ ಶಿಕ್ಷಣಕ್ಕೆ ನಾನು ಕೊಡುತ್ತಿರುವ ಫೀ ಅತ್ಯಂತ ಕಡಿಮೆ ಎಂದೆನಿಸುತ್ತಿತ್ತು. ಜೊತೆಗೆ ನನ್ನ ಮಗಳ ಸಂಗೀತ, ನೃತ್ಯ ಸಾಧನೆಗೂ ಕಾಲೇಜಿನಿಂದ ಪ್ರೋತ್ಸಾಹ ದೊರಕಿದ್ದು ನನ್ನ ಸಂಭ್ರಮ ಹೆಚ್ಚಿಸಿತು. ಕಾಲೇಜಿನ ಸಾಹಿತ್ಯ, ಸಂಗೀತ, ನೃತ್ಯದ ಪಠ್ಯೇತರ ಚಟುವಟಿಕೆಗಳು ನನ್ನ ಮಗಳ ಏಕಾಗ್ರತೆ ಮತ್ತು ಬೌದ್ಧಿಕ ವಿಕಸನಕ್ಕೆ ಪೂರಕವಾಯಿತು. ಸಿದ್ಧಗಂಗಾ ಕಾಲೇಜಿನ ಪ್ರೌಢಿಮೆಯಿಂದ ದೊರೆತ ಅತ್ಯುತ್ತಮ ಶಿಕ್ಷಣದಿಂದ ನನ್ನ ಮಗಳು JEE (Main) ನಲ್ಲಿ ಟಾಪರ್ ಆಗಲು ಸಾಧ್ಯವಾಯಿತು ಎಂಬುದನ್ನು ಹೆಮ್ಮೆಯಿಂದ ತಿಳಿಸುತ್ತಿದ್ದೇನೆ. ಹೆಣ್ಣು ಮಕ್ಕಳಿಗೆ ಅತ್ಯಂತ ಸುರಕ್ಷಿತ ಕಾಲೇಜು ಸಿದ್ಧಗಂಗಾ ಎಂಬುದು ನನಗೆ ಮನವರಿಕೆಯಾಗಿದೆ. ಎರಡು ವರ್ಷಗಳ ಕಾಲ ನನ್ನ ಮಗಳು ಸುನಿಧಿಯನ್ನು ಉನ್ನತ ಮಟ್ಟಕ್ಕೆ ಬೆಳೆಸಿದ ಸಿದ್ಧಗಂಗಾ ಕಾಲೇಜಿನ ಪ್ರತಿಯೊಬ್ಬರಿಗೂ ನನ್ನ ವಂದನೆಗಳು.
-ಮುರಳಿ ಎಂ. ಘಟಿಕರ್


Tuesday, May 1, 2018

II PUC Result - 2018

2018-19ನೇ ಸಾಲಿನ ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆಯಲ್ಲಿ ಶ್ರೀ ಸಿದ್ಧಗಂಗಾ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು  ಅಪ್ರತಿಮ ಸಾಧನೆ ಮೆರೆದಿದ್ದು, ಜಿಲ್ಲೆಗೆ ಅತ್ಯುತ್ತಮ ಫಲಿತಾಂಶ  ನೀಡುವುದರ ಮೂಲಕ ಸಿದ್ಧಗಂಗೆಯ ಗುಣಾತ್ಮಕ ಫಲಿತಾಂಶವನ್ನು  ಸಾಕ್ಷೀಕರಿಸಿದ್ದಾರೆ.
ಪರೀಕ್ಷೆಗೆ ಹಾಜರಾದ 578 ವಿದ್ಯಾರ್ಥಿಗಳ ಪೈಕಿ 568 ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದು  98.26% ಫಲಿತಾಂಶ ಬಂದಿರುತ್ತದೆ. ಇವರಲ್ಲಿ 276 ವಿದ್ಯಾರ್ಥಿಗಳು ಡಿಸ್ಟಿಂಕ್ಷನ್‍ನಲ್ಲಿ, 282 ವಿದ್ಯಾರ್ಥಿಗಳು ಪ್ರಥಮ ದರ್ಜೆಯಲ್ಲ್ಲಿ ಹಾಗೂ 10 ವಿದ್ಯಾರ್ಥಿಗಳು ದ್ವಿತೀಯ ದರ್ಜೆಯಲ್ಲಿ ಉತ್ತೀರ್ಣರಾಗಿದ್ದಾರೆ. 34 ವಿದ್ಯಾರ್ಥಿಗಳು ವಿವಿಧ ವಿಷಯಗಳಲ್ಲಿ 100ಕ್ಕೆ 100 ಅಂಕಗಳನ್ನು ಪಡೆದಿದ್ದಾರೆ.
ವಿದ್ಯಾರ್ಥಿಗಳಾದ ಸುನಿಧಿ ಎಂ ಘಟಿಕರ್, ಶ್ರೀನಿಧಿ ಎಸ್ ಮತ್ತು ಸೌಭಾಗ್ಯ ಎಸ್ ಬೀಳಗಿಮಠ್ ಈ ಮೂರು ವಿದ್ಯಾರ್ಥಿಗಳು 600ಕ್ಕೆ 583 ಅಂಕಗಳನ್ನು ಪಡೆದು ಕಾಲೇಜಿಗೆ ಪ್ರಥಮರಾಗಿದ್ದಾರೆ.

NAME KAN ENG PHY CHE MATHS BIO TOTAL
SUNIDHI M GHATIKAR 97 91 99 100 100 96 583
SRINIDHI S 97 93 100 100 99 94 583
SOUBHAGYA S BEELAGIMATH 97 94 95 100 98 99 583

ವಿಷಯವಾರು 100ಕ್ಕೆ 100 ಅಂಕಗಳನ್ನು  ಪಡೆದ ವಿದ್ಯಾರ್ಥಿಗಳ ವಿವರ

NAME SUBJECT SCORE
SHWETA HAVERI KANNADA 100
MEGHA N KANNADA 100
ASHWINI C K KANNADA 100
SRINIDHI S PHYSICS 100
DARSHAN KM PHYSICS 100
SRINIDHI S PHYSICS 100
SOUBHAGYA S BEELAGIMATH CHEMISTRY 100
SRINIDHI S CHEMISTRY 100
SUNIDHI M GHATIKAR CHEMISTRY 100
BASAVARAJ CHEMISTRY 100
MOHAMMED ZAID HR CHEMISTRY 100
POORVI P RAMAGHAT CHEMISTRY 100
SHWETA HAVERI CHEMISTRY 100
NISARGA KC CHEMISTRY 100
MEGHARAJ BK CHEMISTRY 100
PRUTHVIRAJ HALEMANE M CHEMISTRY 100
VIKAS R KARJIGI CHEMISTRY 100
KOUSHIK DN CHEMISTRY 100
RAKESH SR CHEMISTRY 100
PRAJWAL BN CHEMISTRY 100
SUNIDHI M GHATIKAR MATHEMATICS  100
INDHU P MATHEMATICS  100
NANDITHA S V MATHEMATICS  100
SHWETA HAVERI MATHEMATICS  100
RAGHAVENDRA KC MATHEMATICS  100
DRUVA MANJARI G A MATHEMATICS  100
VISHWANATHA B MATHEMATICS  100
VIKAS R KARJIGI MATHEMATICS  100
B M VISMAYA MATHEMATICS  100
SUDEEP MARUTHI DODDAMANI MATHEMATICS  100
BHARATH CR MATHEMATICS  100
ROSHAN CD MATHEMATICS  100
RAGHAVENDRA KC BIOLOGY  100
SANJAY AS COMPUTER SCIENCE  100
CHANDRASHEKAR M COMPUTER SCIENCE  100
   ಉತ್ತಮ ಫಲಿತಾಂಶವನ್ನು ನೀಡಿದ ವಿದ್ಯಾರ್ಥಿಗಳನ್ನು ಮತ್ತು ಅವರನ್ನು ಪ್ರೋತ್ಸಾಹಿಸಿದ  ಉಪನ್ಯಾಸಕರನ್ನು ಹಾಗೂ ಕಾಲೇಜಿನ ಸಿಬ್ಬಂದಿಯನ್ನು ಪ್ರಾಚಾರ್ಯರಾದ ಶ್ರೀ ಪ್ರಸಾದ್ ಬಂಗೇರ ಎಸ್, ಸಂಸ್ಥಾಪಕರಾದ ಶ್ರೀ ಎಂ ಎಸ್ ಶಿವಣ್ಣ ಮುಖ್ಯಸ್ಥರಾದ  ಶ್ರೀಮತಿ ಜಸ್ಟಿನ್ ಡಿಸೋಜ, ನಿರ್ದೇಶಕರಾದ       ಡಾ|| ಜಯಂತ್ ಡಿ ಎಸ್ ಹಾಗೂ ವ್ಯವಸ್ಥಾಪಕ ಕಾರ್ಯದರ್ಶಿಗಳಾದ ಶ್ರೀ ಹೇಮಂತ್ ಡಿ ಎಸ್ ಇವರು ಅಭಿನಂದಿಸಿದ್ದಾರೆ.

ಪ್ರಾಚಾರ್ಯರು
ಶ್ರೀ ಸಿದ್ಧಗಂಗಾ ಪದವಿ ಪೂರ್ವ ಕಾಲೇಜು
ದಾವಣಗೆರೆ